இந்தியாவில் புதிய EQE 500 எலெக்ட்ரிக் எஸ்யூவியை வெளியிட்டது மெர்சிடீஸ்
செய்தி முன்னோட்டம்
இந்தியாவில் தங்களுடைய மூன்றாவது எலெக்ட்ரிக் மாடலாக EQE 500 எஸ்யூவியை வெளியிட்டிருக்கிறது மெர்சிடீஸ்-பென்ஸ் நிறுவனம். ஏற்கனவே, EQS செடான் மற்ரும் EQB எஸ்யூவி ஆகிய எலெக்ட்ரிக் கார் மாடல்களை அந்நிறுவனம் இந்தியாவில் விற்பனை செய்து வருகிறது. மேலும், EQE எஸ்யூவியின் பவர்ஃபுல்லான AMG மாடலை இந்தியாவிற்கு அந்நிறுவனம் கொண்டு வரவில்லை. மாறாக, சாதாரண EQE மாடலின் டாப்-எண்டு வெர்ஷனை மட்டும் இந்தியாவில் வெளியிட்டிருக்கிறது அந்நிறுவனம். ADAS வசதிகள், 15-ஸ்பீக்கர் சவுண்டு சிஸ்டம், பர்டிகுலேட் ஏர்ஃபில்டர் மற்றும் மஸாஜிங் வசதியுடன் கூடிய முன்பக்க சீட்கள் ஆகிய வசதிகளைக் கொண்டிருக்கிறது புதிய EQE எஸ்யூவி. ஆடி Q8 e-ட்ரான், பிஎம்டபிள்யூ iX, ஜாகுவார் ஐ-பேஸ் ஆகிய மாடல்களுக்குப் போட்டியாக இந்தியாவில் விற்பனை செய்யப்படவிருக்கிறது புதிய EQE.
மெர்சிடீஸ் பென்ஸ்
மெர்சிடீஸ் EQE 500 4மேட்டிக் எஸ்யூவி: எலெட்ரிக் மோட்டார், ரேஞ்சு மற்றும் விலை
இந்தப் புதிய EQE எஸ்யூவியில், ஆல்-வீல் டிரைவ் வசதியுடன் கூடிய இரண்டு எலெக்ட்ரிக் மோட்டார் செட்டப்பைக் கொடுத்திருக்கிறது மெர்சிடீஸ். இந்த எலெக்ட்ரிக் மோட்டார்களானது, 408hp பவர் மற்றும் 858Nm டார்க்கை வெளிப்படுத்தும் திறனைக் கொண்டிருக்கிறது. அதிகபட்சமாக மணிக்கு 210 கிமீ வேகத்தில் செல்லக்கூடிய இந்த EQE 500 மாடலாது, 0-100 கிமீ வேகத்தை 4.9 நொடிகளில் எட்டிப் பிடிக்கிறது. இந்தியாவில் ரூ.1.39 கோடி எக்ஸ்-ஷோரூம் விலையில் வெளியிட்டிருக்கும் இந்தப் புதிய EQE 500 4மேட்டிக் எஸ்யூவியை, CBU (Completely Built Unit) முறையில் விற்பனை செய்யத் திட்டமிட்டிருக்கிறது மெர்சிடீஸ் பென்ஸ்.