மஹிந்திராவின் SUV லைன்-அப்?
செய்தி முன்னோட்டம்
இந்திய எஸ்யூவி சந்தையில் கோலோச்சி வந்தது மஹிந்திரா நிறுவனம். ஆனால், எஸ்யூவிக்கள் மீதான வாடிக்கையாளர்களின் ஈர்ப்பு அதிகரிக்கவே பிற நிறுவனங்களும் எஸ்யூவி சந்தையில் தங்களுக்கென தனி அடையாளத்தைப் பதிக்கத் தொடங்கின.
இழந்த அடையாளத்தை மீட்டெடுக்க புதிய தார், எக்ஸ்யூவி 700 மற்றும் ஸ்கார்ப்பியோ-N ஆகிய மாடல்களை வெளியிட்டு தன்னுடைய இடத்தை நிலைநிறுத்தியது மஹிந்திரா. ஆனால், அதோடு அந்நிறுவனம் நிற்கவில்லை, இன்னும் பல புதிய எஸ்யூவிக்களை இந்திய சந்தையில் வெளியிடவிருக்கிறது.
பொலிரோ நியோ ப்ளஸ் மற்றும் பொலிரோ நியோ எஸ்யூவியின் எக்ஸ்டென்ட்ட எடிஷன் ஆகியவற்றை வெளியிட கவணம் செலுத்தி வருகிறது மஹிந்திரா. இதில் 7 மற்றும் 9 சீட் வேரியன்ட்களுடன் ஆம்புலன்ஸ் வேரியன்ட் ஒன்றும் இருக்கிறதாம்.
மஹிந்திரா
மஹிந்திராவின் லைன்-அப்:
நீளமான வீல்பேஸ் கொண்ட அல்லது 5-டோர் தார் ஒன்றையும் வெளியிடவிருக்கிறது மஹிந்திரா. இந்த ஆண்டு இறுதியில் அல்லது 2024 தொடக்கத்தில் இந்த புதிய காரை வெளியிடத் திட்டமிட்டிருக்கிறது.
எக்ஸ்யூவி 500-க்கு மாற்றாக எக்ஸ்யூவி 700-ஐ விற்பனைக்குக் கொண்டு வந்தது மஹிந்திரா. ஆனால், சின்னச் சின்ன மாற்றங்களுடன் முன்பை விட சிறிய எக்ஸ்யூவி 500-ஐ மீண்டும் கொண்டு வரத் திட்டமிட்டிருக்கிறது மஹிந்திரா.
மஹிந்திரா முன்பே அறிவித்திருந்த XUV E8 எலெக்ட்ரிக் எஸ்யூவியானது எக்ஸ்யூவி 800 என்ற பெயரில் வெளியிடப்படலாம் என எதிர்பார்க்கப்படுகிறது. இந்தக் காரை அடுத்தாண்டு டிசம்பரில் விற்பனைக்குக் கொண்டு வரத் திட்டமிட்டிருக்கிறது மஹிந்திரா.
எக்ஸ்யூவி E8-ன் மோட்டாருடனே, புதிய டிசைனுடன் 2025-ல் எக்ஸ்யூவி E9-யும் வெளியிடத் திட்டமிட்டு வருகிறது மஹிந்திரா நிறுவனம்.