அமெரிக்காவில் EV உற்பத்தியை இரட்டிப்பாக்கியது ஹூண்டாய்
செய்தி முன்னோட்டம்
EV விற்பனையில் குறிப்பிடத்தக்க மந்தநிலை இருந்தபோதிலும், மின்சார வாகனங்களின்(EV கள்) உற்பத்தியை இரட்டிப்பாக்கி உள்ளது ஹூண்டாய் மோட்டார் அமெரிக்கா.
ஹூண்டாய் மோட்டார் அமெரிக்கா, EVயில் அதிக முதலீடு செய்ய திட்டமிட்டுள்ளதாக அதன் தலைமை நிர்வாக அதிகாரி ராண்டி பார்க்கர் கூறியுள்ளார்.
அதன் ஒரு பகுதியாக, ஜோர்ஜியாவில் $7.6 பில்லியன் செலவில் ஒரு புதிய உற்பத்தி வசதி நிறுவப்பட உள்ளது.
"மற்ற உற்பத்தியாளர்கள் தங்கள் மின்சார வாகன உற்பத்தியில் இருந்து பின்வாங்கும்போது, நாங்கள் எங்கள் தயாரிப்புகளில் தொடர்ந்து கவனம் செலுத்தி வருகிறோம்" என்று பார்க்கர் கூறியுள்ளார்.
ஹூண்டாய்
சந்தை சவால்களுக்கு மத்தியிலும் ஹூண்டாய் EVக்களின் விற்பனை அதிகரித்தது
IONIQ 5, IONIQ 6, கோனா எலக்ட்ரிக், IONIQ 5 N உள்ளிட்டவை ஹூண்டாயின் மின்சார கார் மாடல்களாகும்.
இதில் IONIQ 5 N என்ற மாடல் 2024 உலக செயல்திறன் கார் விருதை வென்றது என்பது குறிப்பிடத்தக்கது. மேலும், கோனா எலக்ட்ரிக் மாடல் சமீபத்தில் புதுப்பிக்கப்பட்டது.
EV விற்பனையில் பொதுவான சரிவு இருந்தபோதிலும், மேற்கூறிய மாடல்கள் சிறப்பாக செயல்பட்டு வருகின்றன.
மார்ச் 2024 இல் மட்டும், ஹூண்டாய் அமெரிக்கா அதன் மூன்று பேட்டரி-எலக்ட்ரிக் மாடல்களில் 14,798 EVகளை விற்றது.
இது முந்தைய ஆண்டின் விற்பனையை விட 53% அதிகமாகும்.
"அமெரிக்காவில் நாங்கள் நன்றாக செயல்பட்டு வருகிறோம்," என்று பார்க்கர் நம்பிக்கையுடன் கூறியுள்ளார்.