பத்மஸ்ரீ விருதுக்கு தேர்வான பவன் கோயங்கா; மஹிந்திராவின் ஸ்கார்பியோ எஸ்யூவியை வடிவமைப்பது இவர்தானா?
செய்தி முன்னோட்டம்
பத்மஸ்ரீ விருதுக்கு தேர்வு செய்யப்பட்டுள்ள பவன் கோயங்கா ஒரு முக்கிய இந்திய பொறியாளர், தொழிலதிபர் மற்றும் விண்வெளி துறையில் முக்கிய நபர் ஆவார்.
அவர் தனது சிறந்த பகுப்பாய்வு திறன், தலைமைத்துவம் மற்றும் கண்டுபிடிப்பு மூலம் இந்தியாவின் விண்வெளி மற்றும் வாகனத் துறைகளை வலுப்படுத்தினார்.
பவன் கோயங்கா தற்போது மத்திய அரசின் தன்னாட்சி பெற்ற நிறுவனான இந்திய தேசிய விண்வெளி ஊக்குவிப்பு மற்றும் அங்கீகார மையத்தின் தலைவராக உள்ளார்.
சர்வதேச அங்கீகாரம்
டிரைபாலஜி ஆராய்ச்சிக்கான சர்வதேச அங்கீகாரம்
பவன் கோயங்கா ஐஐடி கான்பூரில் பி.டெக் முடித்தார் மற்றும் அமெரிக்காவில் உள்ள கார்னெல் பல்கலைக்கழகத்தில் பிஎச்டி செய்தார்.
ஹார்வர்ட் பிசினஸ் ஸ்கூலில் அட்வான்ஸ்டு மேனேஜ்மென்ட் புரோகிராம் முடித்தார்.
ஜெனரல் மோட்டார்ஸ் ஆர் & டி சென்டரில் 14 ஆண்டுகள் பணியாற்றிய அனுபவம் கொண்ட பவன் கோயங்கா வாகனப் பொறியியல் மற்றும் எரிபொருள் திறன் போன்ற துறைகளில் முக்கிய ஆய்வுகளை மேற்கொண்டுள்ளார்.
டிரைபாலஜி துறையில் இவரது ஆராய்ச்சிக்கு சர்வதேச அங்கீகாரம் கிடைத்துள்ளது.
என்ஜின் உராய்வு மற்றும் என்ஜின் தாங்கி பகுப்பாய்வுக்காக அவர் உருவாக்கிய முறைகள் இன்றும் பயன்பாட்டில் உள்ளது குறிப்பிடத்தக்கது.
ஸ்கார்பியோ எஸ்யூவி
ஸ்கார்பியோ எஸ்யூவியை வடிவமைப்பதில் முக்கிய பங்கு
பவன் குமார் மஹிந்திரா & மஹிந்திரா நிறுவனத்தில் 28 ஆண்டுகள் பணியாற்றி முக்கிய பதவிகளை வகித்துள்ளார்.
அவர் 2021 இல் மேலாண்மை இயக்குனர் மற்றும் சிஇஓ ஆக ஓய்வு பெற்றார். ஸ்கார்பியோ எஸ்யூவியை வடிவமைப்பதில் முக்கியப் பங்காற்றினார்.
விண்வெளித் துறையில் இளம் கண்டுபிடிப்பாளர்களை ஊக்குவித்து இந்தியாவின் விண்வெளிப் பொருளாதாரத்தை வலுப்படுத்தினார்.
கல்வித் துறையில் புதிய கண்டுபிடிப்புகளை ஊக்குவித்து, இந்திய இளைஞர்களை தொழில்நுட்பத்தை நோக்கி அழைத்துச் செல்கிறார்.