இந்தியாவின் மிக நீண்ட விரைவுச்சாலையை திறந்து வைக்கும் பிரதமர்! சிறப்பு அம்சங்கள் என்ன?
இந்தியாவின் மிக நீளமான சாலையை நாளை பிப்ரவரி 12 ஆம் தேதி பிரதமர் மோடி தொடங்கி வைக்கிறார். டெல்லி, மும்பை விரைவுச்சாலையில் சொஹ்னா-தௌசா பாதை பிப். 14 ஆம் தேதி முதல் போக்குவரத்துக்கு திறக்கப்படும். இந்த விரைவுச்சாலை 1,386 கி.மீ., விரைவுச்சாலை டெல்லி மற்றும் மும்பையை இணைக்கும். அதன் பயண நேரத்தை 24 மணிநேரத்தில் இருந்து சுமார் 12 மணிநேரமாக குறைக்கும். இந்த விரைவுச்சாலையின் முழு பணியும் நிறைவடைந்ததும், இந்தியாவின் மிக நீளமான விரைவுச் சாலையாக இது மாறும். கோட்டா, இந்தூர், ஜெய்ப்பூர், போபால், வதோதரா, சூரத் ஆகிய முக்கிய நகரங்களுக்கு இணைப்பை வழங்க பெரிய பரிமாற்ற சாலைகள் இருக்கும்.
டெல்லி - மும்பை விரைவுச்சாலை சிறப்பு அம்சங்கள்
மேலும் ஆப்டிகல் ஃபைபர் கேபிள்கள், பைப்லைன்கள் மற்றும் சூரிய மின் உற்பத்திஉள்ளிட்ட பயன்பாட்டு பாதைகளை அமைப்பதற்காக 3 மீட்டர் அகலமான பிரத்யேக நடைபாதையும் இருக்கும். இதுமட்டுமின்றி, நெடுஞ்சாலையில் 500 மீட்டர், இடைவெளியில் 2,000 அதிகமான நீர் ரீசார்ஜ் புள்ளிகள் அமைத்து மழை நீர் சேகரிப்பை எளிதாக்குகிறது. மேலும் தானியங்கி போக்குவரத்து மேலாண்மை அமைப்பையும் கொண்டுள்ளது. இவை, இந்தியாவின் மிகப்பெரிய நீண்ட விரைவுச்சாலை ஆகும். 50 ஹவுரா பாலங்களுக்கு இணையான 12 லட்சம் டன் இரும்பு பயன்படுத்தப்பட உள்ளது. டெல்லி, ஹரியானா, ராஜஸ்தான், குஜராத், மகாராஷ்டிரா ஆகிய ஐந்து மாநிலங்களில் 15,000 ஹெக்டேர் நிலம் கையகப்படுத்தப்பட்டுள்ளது. இத்திட்டத்தின் மூலம் 10 கோடி மனித வேலைநாள் கொண்ட வேலைவாய்ப்பை உருவாகும். இந்தியாவிலும் ஆசியாவிலும் விலங்குகள் மேம்பாலங்கள், அண்டர்பாஸ்கள் ஆகியவற்றிற்கு இடமளிக்கும் முதல் அதிவேக நெடுஞ்சாலை இதுவாகும்.
