மஹிந்திரா தார் ஜீப்பை ஸ்டைலாக ஓட்டும் அமிதாப் பச்சன்; வைரலாகும் வீடியோ
செய்தி முன்னோட்டம்
இந்தியாவில் விற்பனை செய்யப்பட்டு வரும் ஆஃப்ரோடு எஸ்யூவி மாடல்களில், வாடிக்கையாளர்களால் அதிகம் விரும்பப்படும் மாடலாக இருந்து வருகிறது, மஹிந்திரா தார்.
பல இந்தியப் பிரபலங்களே கூட, தங்களுடைய ப்ரீமியம் கார் கலெக்ஷனில் மஹிந்திரா தாரையும் வைத்திருக்கிறார்கள். தற்போது பிரபல பாலிவுட் நடிகர் அமிதாப் பச்சன், மஹிந்திரா தாரை இயக்கும் வீடியோ ஒன்று, இணையத்தில் வைரலாகி வருகிறது.
அந்த வீடியோவில், தாரின் ஹார்டு டாப் கொண்ட 4-வீல் டிரைவ் மாடலை இயக்குகிறார் அமிதாப் பச்சன். அவர் இயக்கும் மாடலானது 2-லிட்டர் டர்போ பெட்ரோல் அல்லது 2.2-லிட்டர் டீசல் இன்ஜின் கொண்ட மாடலாக இருக்கலாம் என எதிர்பார்க்கப்படுகிறது.
அமிதாப் பச்சன்
அமிதாப் பச்சனின் கார் கலெக்ஷன்:
மஹிந்திரா தாரின் 1.5-லிட்டர் டீசல் இன்ஜின் கொண்ட வேரியன்டானது ரியர் வீல் டிரைவை மட்டுமே கொண்டிருக்கிறது. எனவே, மேற்கூறிய 2.0-லிட்டக் பெட்ரோல் அல்லது 2.2-லிட்டர் டீசல் இன்ஜின்களைக் கொண்ட வேரியன்ட்களாக இருப்பதற்கே வாய்ப்புகள் இருக்கிறது.
இந்தியாவில் மூன்று இன்ஜின் ஆப்ஷன்களுடன் மேனுவல் மற்றும் ஆட்டோமேட்டிக் கியர்பாக்ஸ் ஆப்ஷன்களுடனும் தாரை விற்பனை செய்து வருகிறது மஹிந்திரா. தற்போது அதன் மாடலைப் பொருத்து 75 வாரங்கள் வரை காத்திருப்புக் காலத்தைக் கொண்டிருக்கிறது தார்.
இந்தியாவில் அமிதாப் பச்சனின் கார் கலெக்ஷன் கொஞ்சம் தனித்துவமானது. ரேஞ்சு ரோவர் ஆட்டோபயோகிராஃபி, பென்ட்லே காண்டினென்டல் GT, மெர்சிடீஸ்-மேபாக் S-கிளாஸ், மெர்சிடீஸ்-பென்ஸ் V-கிளாஸ், மெர்சிடீஸ்-பென்ஸ் S-கிளாஸ், லெக்சஸ் LX 470 மற்றும் மெர்சிடீஸ்-பென்ஸ் GLS ஆகிய கார் மாடல்களை வைத்திருக்கிறார் அவர்.
ட்விட்டர் அஞ்சல்
மஹிந்திரா தாரை இயக்கும் அமிதாப் பச்சன்:
Amitabh Bachchan drives home in a Mahindra Thar [Video] https://t.co/4R23gCPe1v
— CarToq (@CarToq) July 4, 2023