இந்தியாவில் வெளியானது புதிய 'BMW X4 M40i' எஸ்யூவி
செய்தி முன்னோட்டம்
சர்வதேச சந்தைகளில் விற்பனையில் இருக்கும் 'X4 M40i' சொகுசு கார் மாடலை இந்தியாவில் வெளியிட்டிருக்கிறது பிஎம்டபிள்யூ. இந்தப் புதிய எஸ்யூவி மாடலுக்கான முன்பதிவானது பிஎம்டபிள்யூவின் அதிகாரப்பூர்வ இணையதளம் மற்றும் டீலர்ஷிப்களில் தொடங்கப்பட்டிருக்கிறது.
இந்த மாடலானது பிஎம்டபிள்யூவின் M ஸ்போர்ட் ட்ரீட்மெண்டையும் பெற்றிருக்கிறது. ஸ்டாண்டர்டான வேரியன்டில் இருந்து வேறுபடுத்திக் காட்டுவதற்கு M ஸ்போர்ட் பேட்ஜும் அளிக்கப்பட்டிருக்கிறது.
10.25 இன்ச் இன்ஃபோடெயின்மென்ட் சிஸ்டம், புதிய ஸ்போர்ட் சீட்கள் மற்றும் மூன்று ஸோன் ஆட்டோமேட்டிக் கிளைமேட் கண்ட்ரோல் உள்ளிட்ட வசதிகள் புதிய X4 M40i எஸ்யூவியில் அளிக்கப்பட்டிருக்கின்றன.
CBU (Completely Built Unit) முறையில் இந்தப் புதிய எஸ்யூவியை இந்தியாவில் விற்பனை செய்யவிருக்கிறது பிஎம்டபிள்யூ.
பிஎம்டபிள்யூ
பிஎம்டபிள்யூ X4 M40i எஸ்யூவி: இன்ஜின் மற்றும் விலை
இந்தப் புதிய M40i எஸ்யூவி மாடலில், ஆறு சிலிண்டர்கள் கொண்ட, 3.0 லிட்டர் டர்போ பெட்ரோல் இன்ஜினைக் கொடுத்திருக்கிறது பிஎம்டபிள்யூ. இந்த இன்ஜினானது 8 ஸ்பீடு ஸ்டெப்ட்ரானிக் ஆட்டோமேட்டிக் கியர்பாக்ஸூன்ட இணைக்கப்பட்டிருக்கிறது.
355hp பவர் மற்றும் 500Nm டார்க்கை உற்பத்தி செய்யும் பிஎம்டபிள்யூவின் இந்த இன்ஜினானது, அதிகபட்சமாக 250 கிமீ வேகம் வரை செல்லும் திறனைக் கொண்டிருக்கிறது. மேலும், 0-100 கிமீ வேகத்தை 4.9 நொடிகளில் எட்டுகிறது இந்த M40i-யின் இன்ஜின்.
இந்த M40i-யில் 48V பேட்டரியுடன் மைல்டு-ஹைபிரிட் தொழில்நுட்பத்தையும் அளித்திருக்கிறது பிஎம்டபிள்யூ. இந்த சொகுசு காரை இந்தியாவில் ரூ.96.2 லட்சம் எக்ஸ்-ஷோரூம் விலையில் வெளியிட்டிருக்கிறது பிஎம்டபிள்யூ.