உக்ரைன் போரில் அதிர்ச்சி திருப்பம்: ஸ்டார்லிங்க் சேவையைத் துண்டித்த மஸ்க்
செய்தி முன்னோட்டம்
உக்ரைனில் ரஷ்யாவின் தொடர் வான்வழித் தாக்குதல்கள் தீவிரமடைந்துள்ள நிலையில், உக்ரைன் படைகள் பயன்படுத்தி வரும் ஸ்டார்லிங்க் செயற்கைக்கோள் இணையச் சேவையில் விதிக்கப்பட்டுள்ள கட்டுப்பாடுகள் பெரும் சர்ச்சையை ஏற்படுத்தியுள்ளன. இக்கட்டுப்பாடுகள் மனித உயிரிழப்புகளுக்கு வழிவகுக்கும் என உக்ரைன் அதிபர் வோலோடிமிர் ஜெலென்ஸ்கி கடுமையாக எச்சரித்துள்ளார். பிரிட்டன் ஊடகவியலாளர் பியர்ஸ் மோர்கனுக்கு அளித்த பேட்டியின் போது, ஸ்டார்லிங்க் வேகக் குறைப்பு மற்றும் சேவைக் கட்டுப்பாடுகள் உக்ரைனின் இராணுவ நடவடிக்கைகளையும், குறிப்பாக ஆளில்லா விமான கட்டுப்பாடுகளையும் கடுமையாக பாதித்துள்ளதாக ஜெலென்ஸ்கி குற்றம் சாட்டினார்.
ட்விட்டர் அஞ்சல்
Twitter Post
Zelenskyy: It's a big mistake turning off Starlink. This decision will bring a lot of human losses.
— Tymofiy Mylovanov (@Mylovanov) October 14, 2026
If attacks will continue and if Starlink will not work, people will die. I hope that it's mistake, maybe huge technical problem. But we are asking to switch on. pic.twitter.com/0jEe5OIWp6
ஸ்டார்லிங்க்
ஸ்டார்லிங்க் சேவை கட்டுப்பாடும் எலான் மஸ்க்கின் பதிலும்
"ஸ்டார்லிங்க் வேலை செய்யவில்லை என்றால், தாக்குதல்கள் தொடரும்போது மக்கள் உயிரிழப்பார்கள். இது ஒரு பெரிய தவறு" என ஜெலென்ஸ்கி கவலை தெரிவித்தார்.
மறுபுறம், ஸ்பேஸ்எக்ஸ் நிறுவனர் எலான் மஸ்க் கூறுகையில், இராணுவப் பயன்பாட்டில் உள்ள 'ஸ்டார்ஷீல்டு' அமைப்புகளின் வேகம் மற்றும் பயன்பாட்டுக் கட்டுப்பாடுகள் அனைத்தும் அமெரிக்க இராணுவம் மற்றும் அதிபர் டொனால்ட் டிரம்பின் உத்தரவுக்கேற்பவே நிர்ணயிக்கப்படுகின்றன எனத் தெரிவித்தார்.
இதற்கிடையே, முன்னாள் அமைச்சர் ஃபெடரோவின் பேச்சுக்குப் பின் சில சேவைகள் மீண்டும் வழங்கப்பட்டு வருவதாகத் தகவல்கள் வெளியாகியுள்ளன.
ட்விட்டர் அஞ்சல்
Twitter Post
Starshield systems are owned and controlled by the US government. Any limits on speed or usage are decided by the US military and ultimately POTUS.
— Elon Musk (@elonmusk) October 14, 2026
Starlink is a commercial service owned and controlled by SpaceX. Usage of Starlink is limited to civilian or defensive activities…
அதிருப்தி
டிரம்ப் நிர்வாகத்தின் மீது உக்ரைனின் அதிருப்தி
அமெரிக்காவுடனான உறவுகளில் விரிசல் ஏற்பட்டுள்ள நிலையில், ரஷ்யாவுடன் அமெரிக்கா மேற்கொள்ளும் டீசல் விநியோக ஒப்பந்தம் உக்ரைனுக்கு செய்யும் "நம்பிக்கை துரோகம்" என ஜெலென்ஸ்கி வர்ணித்துள்ளார்.
இதனிடையே, உக்ரைன் தலைநகர் கிவ் மீது நடத்தப்பட்ட கடுமையான பாலிஸ்டிக் ஏவுகணைத் தாக்குதல்களில் 15 பேர் கொல்லப்பட்டுள்ளதுடன், எரிசக்தி உள்கட்டமைப்புகளும் சேதமடைந்துள்ளன.
அமெரிக்காவுக்கும் உக்ரைனுக்கும் இடையிலான இந்த ராஜதந்திர உரசல்கள் சர்வதேச அரசியலில் பெரும் பரபரப்பை ஏற்படுத்தியுள்ளன.