ரஷ்யா தலைநகர் மாஸ்கோவை நோக்கி 22 ட்ரோன்களை ஏவியது உக்ரைன்; இரண்டு விமான நிலையங்கள் மூடல்
செய்தி முன்னோட்டம்
உக்ரைன் ஞாயிற்றுக்கிழமை (நவம்பர் 10) அதிகாலை ரஷ்யாவின் மாஸ்கோவிற்கு குறைந்தது 22 ட்ரோன்களை ஏவியது.
இதையடுத்து மாசுகோவின் இரண்டு விமான நிலையங்களை ரஷ்யா அரசு தற்காலிகமாக மூடியது.
மாஸ்கோ மேயர் செர்ஜி சோபியானின் கூறுகையில், ராமென்ஸ்காய் மற்றும் கொலோமென்ஸ்கி மாவட்டங்கள் மற்றும் டோமோடெடோவோ நகரில் 12 ட்ரோன்கள் அழிக்கப்பட்டன.
"முதற்கட்ட தகவல்களின்படி, இடிபாடுகள் விழுந்த இடத்தில் சேதமோ அல்லது உயிரிழப்புகளோ இல்லை" என்று சோபியானின் டெலிகிராமில் கூறினார்.
ரஷ்யாவின் ஃபெடரல் ஏர் டிரான்ஸ்போர்ட் ஏஜென்சியான ரோசாவியாட்சியா டெலிகிராமில், "சிவில் விமானங்களின் பாதுகாப்பை உறுதி செய்வதற்காக, டோமோடெடோவோ மற்றும் ஜுகோவோ விமான நிலையங்களின் செயல்பாட்டில் தற்காலிக கட்டுப்பாடுகள் அறிமுகப்படுத்தப்பட்டுள்ளன." எனக் கூறினார்.
தற்காப்பு பதில்
ரஷ்ய வான் பாதுகாப்பு பிரிவுகள் 20 ட்ரோன்களை அழித்தன
முன்னர் செப்டம்பரிலும் இதேபோல் தாக்குதல் நடத்திய நிலையில், அப்போது நடந்த சம்பவத்தில் ரஷ்ய வான் பாதுகாப்பு பிரிவுகள் 20 ட்ரோன்களை சுட்டு வீழ்த்தியது குறிப்பிடத்தக்கது.
இந்நிலையில், தற்போது தனித்தனியாக, உக்ரேனிய ட்ரோன் தாக்குதல்கள் ரஷ்யாவின் கலுகா மற்றும் பிரையன்ஸ்க் பகுதிகளில் உள்ள பல குடியிருப்பு அல்லாத கட்டிடங்களுக்கு ஒரே இரவில் தீ வைத்ததாக பிராந்திய அதிகாரிகள் ஞாயிற்றுக்கிழமை தெரிவித்தனர்.
பிரையன்ஸ்க் பகுதியில் 17 ஆளில்லா விமானங்களை அழித்ததாக ரஷ்ய அரசு கூறியது.
ரஷ்யாவின் போர் முயற்சிகளுக்கு முக்கியமான வசதிகளை இலக்காகக் கொண்டு ரஷ்ய பிரதேசத்தில் ட்ரோன் தாக்குதல்கள் நடத்தப்படுவதாக உக்ரைன் அடிக்கடி கூறியுள்ளது.