கனடாவில் கடும் பொருளாதார நெருக்கடி: 25% பெற்றோர்கள் குழந்தைகளுக்கு உணவளிப்பதற்காக பட்டினி கிடக்கும் அவலம்
செய்தி முன்னோட்டம்
கனடாவில் 25% பெற்றோர்கள் தங்கள் குழந்தைகளுக்கு போதுமான அளவு சாப்பாடு கிடைக்க வேண்டும் என்பதற்காக பட்டினியாக உள்ளனர் என இந்தியா டுடே செய்தி வெளியிட்டுள்ளது. கனடாவில் கடும் பொருளாதார வீழ்ச்சி ஏற்பட்டுள்ளது. இதனால் கனேடியர்கள் தங்குமிடம், வேலைகள் மற்றும் பணவீக்கம் உள்ளிட்ட மோசமான நெருக்கடிகளை எதிர்கொள்கின்றனர். கனேடிய குடும்பங்கள் மீதான இந்த பொருளாதார அழுத்தத்தின் அளவு பற்றி NGO ஒன்று அறிக்கை வெளியிட்டுள்ளது. அதன்படி கனடாவில் உள்ள நான்கு பெற்றோரில் ஒருவர் தங்கள் குழந்தைகளுக்கு உணவு வேண்டும் என்பதற்காக அவர்களின் உணவு நுகர்வைக் குறைப்பதாகக் கூறுகிறது.
ஆய்வறிக்கை
பொருளாதார சுமையினால் பாதிக்கப்பட்ட பெற்றோர்களின் நிலைய வெளிப்படுத்திய அறிக்கை
கணக்கெடுக்கப்பட்டவர்களில் 90% க்கும் அதிகமானோர் மற்ற நிதி தேவைகளுக்காக மளிகைப் பொருட்களுக்கான செலவைக் குறைத்ததாகக் கூறியுள்ளனர். கனேடிய பிரதமர் ஜஸ்டின் ட்ரூடோ இந்த சிக்கலை சமாளிக்க சில அத்தியாவசிய பொருட்களுக்கான சரக்கு மற்றும் சேவை வரியில் (ஜிஎஸ்டி) சலுகை அறிவிப்பார் என்று எதிர்பார்க்கப்படும் நேரத்தில் இந்த அறிக்கை வந்துள்ளது. கனடா கடும் மலிவு நெருக்கடியை எதிர்கொள்கிறது. இதனால் பெற்றோர்கள் தங்கள் உணவு அல்லது அத்தியாவசியத் தேவைகளை தங்கள் நிதிக் கடமைகளைக் கவனித்துக்கொள்வதில் சமரசம் செய்கின்றனர்.
பொருளாதார நெருக்கடி
கனடா கடும் பொருளாதார நெருக்கடியில் உள்ளது
90% கனேடிய குடும்பங்கள் மளிகைச் செலவுகளைக் குறைக்கின்றன. "உண்மை என்னவென்றால், பல கனடியர்கள் தங்களுடைய அன்றாட அடிப்படைத் தேவைகளைப் பூர்த்தி செய்வதிலும், மிக முக்கியமாக, தங்கள் குழந்தைகள் மற்றும் அவர்களது குடும்ப உறுப்பினர்களுக்காகவும் தொடர்ந்து சிக்கல்களை எதிர்கொள்கிறார்கள்" என்று NGO செய்தித் தொடர்பாளர் கூறினார். கணக்கெடுக்கப்பட்ட பெற்றோர்களில் 24% பேர் தங்கள் குழந்தைகளுக்கு உணவளிக்க தங்கள் உணவைக் குறைத்ததாகக் கூறியுள்ளதும் அந்த அறிக்கையில் காணப்படுகிறது. சத்து குறைவான உணவுகள் மலிவானவை என்பதால் பலரும் அவ்வகை உணவு பொருட்களையே தேர்வு செய்கின்றனர் எனவும், 84% பேர் உணவைத் தவிர்ப்பதாகவும் அறிக்கை கூறுகிறது.