POK வெளிநாட்டை சேர்ந்த பகுதி என்பதை ஒப்புக்கொண்டது பாகிஸ்தான் அரசாங்கம்
செய்தி முன்னோட்டம்
பாகிஸ்தான் ஆக்கிரமிப்பு காஷ்மீர்(பிஓகே) ஒரு வெளிநாட்டுப் பகுதி என்றும், அதன் மீது பாகிஸ்தானுக்கு அதிகாரம் இல்லை என்றும் இஸ்லாமாபாத் உயர்நீதிமன்றத்தில் பாகிஸ்தான் அரசு ஒப்புக்கொண்டுள்ளது.
காஷ்மீர் கவிஞரும் பத்திரிகையாளருமான அகமது பர்ஹாத் ஷா கடத்தப்பட்ட வழக்கு விசாரணையின் போது பாகிஸ்தானின் கூடுதல் அட்டர்னி ஜெனரல், பாகிஸ்தான் ஆக்கிரமிப்பு காஷ்மீர்(பிஓகே) வெளிநாட்டுக்கு சொந்தமானது என்று ஒப்புக்கொண்டுள்ளார்.
பாகிஸ்தானின் உளவு அமைப்புகளால் ராவல்பிண்டியில் உள்ள அவரது வீட்டில் இருந்து கடத்தப்பட்ட அகமது பர்ஹாத் ஷா மீதான வழக்கை இஸ்லாமாபாத் நீதிமன்றம் கடந்த மே 15-ஆம் தேதி விசாரித்தது.
அந்த கவிஞரின் மனைவியின் மனுவைத் தொடர்ந்து, இஸ்லாமாபாத் உயர் நீதிமன்ற நீதிபதி மொஹ்சின் அக்தர் கயானி, ஃபர்ஹாத் ஷாவை நீதிமன்றத்தில் ஆஜர்படுத்த வேண்டும் என்றார்.
பாகிஸ்தான்
'வெளிநாட்டுக்குள் பாகிஸ்தான் இராணுவம் ஏன் நுழைந்தது': நீதிபதி
பாகிஸ்தான் ஆக்கிரமிப்பு காஷ்மீரில்(பிஓகே) ஃபர்ஹாத் ஷா போலீஸ் காவலில் இருப்பதாகவும், அவரை இஸ்லாமாபாத் உயர் நீதிமன்றத்தில் ஆஜர்படுத்த முடியாது என்றும் நேற்று நீதிபதி கயானி முன் பாகிஸ்தானின் கூடுதல் அட்டர்னி ஜெனரல் வாதிட்டார்.
அப்போது, காஷ்மீர் அதன் சொந்த அரசியலமைப்பு மற்றும் அதன் சொந்த நீதிமன்றங்களைக் கொண்ட ஒரு வெளிநாட்டுப் பகுதி என்றும், POKஇல் உள்ள பாகிஸ்தான் நீதிமன்றங்களின் தீர்ப்புகள் வெளிநாட்டு நீதிமன்றங்களின் தீர்ப்புகளாகத் தோன்றுவதாகவும் கூடுதல் அட்டர்னி ஜெனரல் கூறினார்.
பிஓகே ஒரு வெளிநாட்டுப் பகுதி என்றால், பாகிஸ்தான் ராணுவமும் பாகிஸ்தான் ரேஞ்சர்களும் எப்படி அந்த நிலத்திற்குள் நுழைந்தார்கள் என்று நீதிபதி கயானி கேள்வி எழுப்பினார்.
பாகிஸ்தான்
பாகிஸ்தானின் புலனாய்வு அமைப்புகளை விமர்சித்த நீதிபதி
மேலும், மக்களை வலுக்கட்டாயமாக கடத்தும் நடைமுறையை பாகிஸ்தானின் புலனாய்வு அமைப்புகள் தொடர்வதாக கயானி விமர்சித்திருந்தார்.
நீதிமன்ற வாதத்தின் போது அகமது பர்ஹாத் ஷாவை திர்கோட் போலீசார் தடுத்து வைத்துள்ளனர் என்பது தெரிய வந்தது. அவர் மீது பிஓகேயில் இரண்டு வழக்குகள் உள்ளன.
பாகிஸ்தான் உளவுத்துறையால் ராவல்பிண்டியில் உள்ள அவரது இல்லத்தில் இருந்து ஃபர்ஹாத் ஷா கடத்தப்பட்டது தொடர்பாக அவரது மனைவி தாக்கல் செய்த மனுவை உயர்நீதிமன்றம் விசாரித்த போது இந்த கருத்துக்கள் தெரிவிக்கப்பட்டுள்ளன.