பாலஸ்தீனத்தை ஒரு நாடாக அங்கீகரிக்க உள்ளது நார்வே, ஸ்பெயின் மற்றும் அயர்லாந்து
செய்தி முன்னோட்டம்
பாலஸ்தீனத்தை ஒரு நாடாக நார்வே அங்கீகரிக்கும் என பிரதமர் ஜோனாஸ் கர் ஸ்டோர் தெரிவித்துள்ளார்.
அந்த பகுதியை இரு நாடுகளாக பிரிவிப்பது தான் இஸ்ரேலுக்கு நல்லது என்று தெரிவித்த அவர், மே 28 முதல் பாலஸ்தீனத்திற்கு நார்வே அங்கீகாரம் அளிக்கும் என்று அறிவித்தார்.
"பாலஸ்தீனத்திற்கு அங்கீகாரம் இல்லையென்றால் மத்திய கிழக்கில் அமைதி நிலவாது" என்று பிரதமர் ஜோனாஸ் கர் ஸ்டோர் தெரிவித்துள்ளார்.
ஸ்பெயினின் பிரதமர் பெட்ரோ சான்செஸ் பாலஸ்தீனிய அரசை முறையாக அங்கீகரிப்பதற்கான தேதியை இன்று அறிவிக்க உள்ள நிலையில், நார்வேயும் பாலஸ்தீனத்தை அங்கீகரிக்க உள்ளதாக தெரிவித்துள்ளது.
நார்வே
இஸ்ரேல் கடும் கண்டனம்
இதனைத்தொடர்ந்து, அயர்லாந்தும் பாலஸ்தீனத்தை அங்கீகரிப்பது குறித்த தனது திட்டங்களை அறிவிக்கும் என எதிர்பார்க்கப்படுகிறது.
இதற்கு இஸ்ரேல் கடும் எதிரிபு தெரிவித்ததுடன், அயர்லாந்து மற்றும் நார்வேயில் உள்ள இஸ்ரேலின் தூதர்களை உடனடியாக இஸ்ரேலுக்கு திரும்புமாறு இஸ்ரேலின் வெளியுறவு அமைச்சர் காட்ஸ் உத்தரவிட்டுள்ளார்.
" அயர்லாந்தும் நார்வேயும் இன்று பயங்கரவாத்தை ஏற்றுக்கொண்டு முழு உலகிற்கும் ஒரு செய்தியை சொல்லி இருக்கின்றன" என்று காட்ஸ் கூறியுள்ளார்.
ஐரோப்பிய நாடுகள் பாலஸ்தீனத்திற்கு அங்கீகாரம் வழங்குவது தீவிரவாதத்தையும் உறுதியற்ற தன்மையையும் தூண்டும் என்றும் அவர்களை ஹமாஸின் கை பாவைகள் ஆக்கும் என்றும் இஸ்ரேல் கூறியுள்ளது.