நியூயார்க்கின் வாக்குச்சீட்டுகளில் இடம்பெற்றுள்ள இந்திய மொழி இதுதான்!
அமெரிக்கா தனது 47வது அதிபரை தேர்ந்தெடுப்பதற்கான வாக்கெடுப்பு செவ்வாய்கிழமை நடைபெறவுள்ளது. அமெரிக்காவின் நியூயார்க்கில் 200 க்கும் மேற்பட்ட மொழிகள் பேசப்படுகின்றன. நகர திட்டமிடல் துறையின் கூற்றுப்படி, அமெரிக்க அதிபர் தேர்தலில் வாக்குச் சீட்டுகளில் ஆங்கிலம் தவிர மற்ற நான்கு மொழிகள் இடம்பெற்றிருக்கும். இந்த பட்டியலில் இந்திய மொழி ஒன்றும் இடம்பெற்றுள்ளது. ஆனால் அது ஹிந்தி மொழி அல்ல, மாறாக பெங்காலி ஆகும். NYC தேர்தல்கள் வாரியத்தின் நிர்வாக இயக்குனர், மைக்கேல் ஜே ரியான் கூற்றுப்படி,"நாங்கள் ஆங்கிலம் தவிர மற்ற நான்கு மொழிகளுக்கும் சேவை செய்ய வேண்டும். இது சீனம், ஸ்பானிஷ், கொரியன் மற்றும் பெங்காலி ஆகியவை ஆசிய மொழிகளாகும்," என்கிறார்.
குறிப்பிட்ட வாக்கெடுப்பு தளங்களில் பெங்காலி மொழி
சட்டப்படி, நியூயார்க் நகரம் குறிப்பிட்ட வாக்கெடுப்பு தளங்களில் பெங்காலி மொழியில் வாக்களிக்கும் பொருட்களை வழங்க கடமைப்பட்டுள்ளது. வங்காள மொழி பேசும் வாக்காளர்களுக்கு விரிவான மொழி ஆதரவை உறுதிசெய்து, மற்ற அத்தியாவசிய வாக்களிப்புப் பொருட்களைச் சேர்ப்பதற்காக இந்த ஆணை பிரிப்பிக்கப்பட்டது. நியூயார்க்கில் உள்ள குயின்ஸ் பகுதியில் உள்ள தெற்காசிய சமூகம் 2013 இல் பெங்காலியில் மொழிமாற்றம் செய்யப்பட்ட வாக்குச்சீட்டுகளை முதலில் பெற்றது. வங்காள மொழி பேசும் மக்களில் இந்தியா மற்றும் பங்களாதேஷ் போன்ற ஆசிய நாடுகளில் இருந்து வருபவர்களும் அடங்குவர். பிராந்தியத்தில் பேசப்படும் மொழிகளின் முழு வரம்பையும் இது பிரதிநிதித்துவப்படுத்தவில்லை என்றாலும், இந்த மொழி சேர்க்கப்படுவது பெங்காலி மொழி பேசும் சமூகத்திற்குள் வாக்காளர் பங்கேற்பில் குறிப்பிடத்தக்க தாக்கத்தை ஏற்படுத்தும் என்று எதிர்பார்க்கப்படுகிறது.
