2,000 கிமீ தூரம் சென்று தாக்கக்கூடிய ஏவுகணை சோதனை: ஈரான் அதிரடி
செய்தி முன்னோட்டம்
ஈரான் இன்று(மே 25) 2,000 கிமீ தூரம் சென்று தாக்கும் ஏவுகணையை வெற்றிகரமாக சோதித்தது என்று ஈரானிய ஊடகங்கள் தெரிவித்துள்ளன.
ஈரானின் அணுசக்தி திட்டத்திற்கு எதிராக நடவடிக்கை எடுக்கப்படும் என்று இஸ்ரேலின் ஆயுதப் படைகளின் தலைவர் இரண்டு நாட்களுக்கு முன் கூறி இருந்த நிலையில், ஈரான் இன்று ஏவுகணை சோதனையை நடத்தியுள்ளது.
மத்திய கிழக்கு நாடுகளில் மிகப்பெரிய ஏவுகணை திட்டத்தை கொண்டுள்ள ஈரான், தனது ஆயுதங்கள், இஸ்ரேல் மற்றும் அமெரிக்க தளங்களை அடையும் திறன் கொண்டவை என்று கூறி இருக்கிறது.
அமெரிக்கா மற்றும் ஐரோப்பிய நாடுகளின் எதிர்ப்பையும் மீறி, ஈரான் தனது "தற்காப்பு" ஏவுகணை திட்டத்தை மேலும் மேம்படுத்த இருப்பதாக கூறியுள்ளது.
details
எங்கள் நாட்டையும் அதன் சாதனைகளையும் நாங்கள் பாதுகாப்போம்: ஈரான் அரசு
"ஈரானின் எதிரிகளுக்கு நாங்கள் கூறும் செய்தி என்னவென்றால், எங்கள் நாட்டையும் அதன் சாதனைகளையும் நாங்கள் பாதுகாப்போம். நாட்டின் ஸ்திரத்தன்மைக்கு நாங்கள் உதவ விரும்புகிறோம் என்பதே எங்கள் நண்பர்களுக்கு நாங்கள் கூறும் செய்தியாகும்" என்று ஈரானிய பாதுகாப்பு அமைச்சர் முகமதுரேசா அஷ்டியானி கூறினார்.
1,500 கிலோ போர்க்கப்பலைச் சுமந்து கொண்டு, 2,000 கிமீ தூரம் வரை செல்லக்கூடிய ஈரானின் கோரம்ஷாஹர் 4 பாலிஸ்டிக் ஏவுகணையின் மேம்படுத்தப்பட்ட பதிப்பின் காட்சிகளை ஈரானின் அரசு தொலைக்காட்சி ஒளிபரப்பியது.
இஸ்லாத்தின் ஆரம்ப நாட்களில் முஸ்லீம் போர்வீரர்களால் கைப்பற்றப்பட்ட யூத கோட்டையை நினைவுபடுத்தும் வகையில் இந்த ஏவுகணைக்கு கெய்பார் என்று பெயரிடப்பட்டுள்ளது என ஈரான் அரசு செய்தி நிறுவனமான IRNA கூறியுள்ளது.