இஸ்ரேல் அரசாங்கத்தில் விரிசல்: பிரதமருக்கு இறுதி எச்சரிக்கையை விடுத்தார் இஸ்ரேல் அமைச்சர்
செய்தி முன்னோட்டம்
காசா போரில் இஸ்ரேல் தொடர்ந்து முன்னேறி வரும் நிலையில், இஸ்ரேல் அமைச்சர் பென்னி காண்ட்ஸ் ஒரு இறுதி எச்சரிக்கையை விடுத்துள்ளார். அதனால், பிரதமர் பெஞ்சமின் நெதன்யாகுவின் போர் அமைச்சரவையில் புதிய விரிசல்கள் உருவாகியுள்ளன.
ஹமாஸுடனான போருக்குப் பிறகு பாலஸ்தீனியப் பகுதிகளை யார் ஆளலாம் என்பதை உள்ளடக்கிய காசா மோதலுக்கு ஒப்புக்கொள்ளப்பட்ட ஒப்பந்தத்தை ஏற்றுக்கொள்ளுமாறு அவர் பிரதமரிடம் கோரியுள்ளார்.
இதற்கான ஆறு அம்சத் திட்டத்தை போர் அமைச்சரவை தயாரிக்க அமைச்சர் காண்ட்ஸ் ஜூன் 8 வரை நெதன்யாகுவுக்கு காலக்கெடு வழங்கியுள்ளார்.
இஸ்ரேல்
பிரதமருக்கு பென்னி காண்ட்ஸ் மிரட்டல்
இந்த காலக்கெடுவிற்குள் அவர் கூறியது நடைபெறவில்லை என்றால், அவசரகால கூட்டணியில் இருந்து தனது மையவாதக் கட்சி விலகிவிடும் என்றும், பதவியில் இருந்து தான் விலகி விடுவேன் என்றும் அவர் மிரட்டல் விடுத்துள்ளார்.
ஒரு செய்தியாளர் சந்திப்பில் உரையாற்றிய அமைச்சர் பென்னி காண்ட்ஸ், "இஸ்ரேலிய வீரர்கள் நம்பமுடியாத துணிச்சலுடன் காட்டும்போது முன்னோக்கி , அவர்களை போருக்கு அனுப்பியவர்களில் சிலர் கோழைத்தனத்துடனும் பொறுப்பற்ற தன்மையுடனும் செயல்படுகிறார்கள்." என்று கூறியுள்ளார்.
பென்னி காண்ட்ஸுக்கு பதிலளித்த பிரதமர் நெத்தன்யாகு, அவரது கோரிக்கைகள் நிறைவேற்றப்பட்டால் இஸ்ரேலுக்கு தோல்வி தான் கிடைக்கும் என்றும், அப்படி நடந்தால் பணயக்கைதிகளை கைவிட வேண்டி இருக்கும் என்றும், ஹமாஸ் அதிகாரத்தை பெற்று பாலஸ்தீனிய அரசை உருவாக்குவதை அது குறிக்கும் என்றும் கூறியுள்ளார்.