லெபனானை அடுத்து ஏமன் பக்கம் திரும்பிய இஸ்ரேல்; ஹவுதி நிலைகள் மீது சரமாரி தாக்குதல்
ஞாயிற்றுக்கிழமை (செப்டம்பர் 29) இஸ்ரேல் ராணுவம் ஏமனில் உள்ள மின் உற்பத்தி நிலையங்கள் மற்றும் பிற ஹவுதி இலக்குகள் மீது குண்டுவீச்சு நடத்தியதாக தகவல் வெளியாகியுள்ளது. முன்னதாக, கடந்த சில நாட்களாக லெபனானில் இயங்கும் ஈரான் ஆதரவு பயங்கரவாத இயக்கமான ஹிஸ்புல்லாவின் இலக்குகள் மீது குறிவைத்து தாக்கி வருகிறது. இந்நிலையில், தற்போது ஈரானின் ஆதரவுடன் ஏமனில் இயங்கும் ஹவுதி இஸ்ரேல் மீது நடத்திய ஏவுகணைத் தாக்குதலுக்குப் பதிலடியாக, அங்கு தொடர் விமான தாக்குதல்களை நிகழ்த்தியுள்ளது. இதனால் மத்திய கிழக்கு முழுவதும் பதற்றம் மிகவும் அதிகரித்துள்ளது. ஹவுதிகளுக்கு எதிரான சமீபத்திய இஸ்ரேலிய தாக்குதல்களில் நான்கு பேர் கொல்லப்பட்டனர் மற்றும் 29 பேர் காயமடைந்தனர் என்று ஹவுதி நடத்தும் சுகாதார அமைச்சகம் ஒரு அறிக்கையில் தெரிவித்துள்ளது.
ஏமனில் இரண்டாவது போர் விமான தாக்குதல்
ஒரு அறிக்கையில், இஸ்ரேலின் இராணுவம் போர் விமானங்கள் உட்பட டஜன் கணக்கான விமானங்கள் ஹொடைடாவில் உள்ள மின் உற்பத்தி நிலையங்கள் மற்றும் துறைமுகம் மற்றும் ராஸ் இசா துறைமுகத்தைத் தாக்கியதாகக் கூறியது. கடந்த இரண்டு மாதங்களில் ஏமன் மீது இஸ்ரேல் நடத்திய இரண்டாவது தாக்குதல் இது என்பது குறிப்பிடத்தக்கது. கடைசியாக ஜூலை மாதம் இதுபோன்ற தாக்குதலின் போது, ஏமன் ஆளில்லா விமானம் டெல் அவிவ் மீது தாக்கி ஒருவரைக் கொன்றதை அடுத்து, இஸ்ரேலிய போர் விமானங்கள் ஹொடைடா அருகே ஹவுதி இராணுவ இலக்குகளைத் தாக்கின. காஸாவில் இஸ்ரேல்-பாலத்தீன போர் தொடங்கியதில் இருந்து பாலஸ்தீனத்திற்கு ஆதரவான இஸ்ரேல் மீது பலமுறை ஏவுகணைகள் மற்றும் ஆளில்லா விமானங்கள் மூலம் ஹவுதிகள் தாக்கியுள்ளது குறிப்பிடத்தக்கது.
