வளைகுடா நாடுகளில் உள்ள டிரம்ப் பிராண்ட் ஹோட்டல்கள் மற்றும் கோல்ஃப் கிளப்கள் 'இலக்குகள்' என ஈரான் அறிவிப்பு
செய்தி முன்னோட்டம்
அமெரிக்காவிற்கும், ஈரானுக்கும் இடையே நிலவி வரும் இராணுவ மோதல்கள் உச்சகட்டத்தை எட்டியுள்ள நிலையில், வளைகுடா பிராந்தியம் முழுவதும் உள்ள அமெரிக்க அதிபர் டொனால்ட் டிரம்பிற்கு சொந்தமான சொத்துக்களைத் தங்களின் இலக்குகளாக ஈரானின் இஸ்லாமிய புரட்சிகர காவல்படை (IRGC) அறிவித்துள்ளது. ஈரான் ஊடகங்கள் வெளியிட்டுள்ள செய்திக்குறிப்பின்படி, டிரம்ப் பிராண்ட் ஹோட்டல்கள், குடியிருப்பு கோபுரங்கள் மற்றும் கோல்ஃப் கிளப்கள் இந்தத் தாக்குதல் பட்டியலில் சேர்க்கப்பட்டுள்ளன.
பட்டியல்
இலக்காக அறிவிக்கப்பட்டுள்ள டிரம்ப் சொத்துக்களின் பட்டியல்
ஐஆர்ஜிசி வெளியிட்டுள்ள இந்த தாக்குதல் பட்டியலில், ஐக்கிய அரபு அமீரகம் (UAE), சவுதி அரேபியா, கத்தார் மற்றும் ஓமன் ஆகிய நாடுகளில் உள்ள முக்கிய சொத்துக்கள் இடம்பெற்றுள்ளன.
குறிப்பாக துபாயில் உள்ள டிரம்ப் இன்டர்நேஷனல் ஹோட்டல் மற்றும் குடியிருப்பு கோபுரம், டிரம்ப் சர்வதேச கோல்ஃப் கிளப், ஜெத்தாவில் உள்ள டிரம்ப் பிளாசா டவர், ரியாத்தில் உள்ள டிரம்ப் டவர், சவுதி அரேபியாவின் டிரம்ப் இன்டர்நேஷனல் கோல்ஃப் கிளப் வாடி சஃபார், கத்தாரில் உள்ள டிரம்ப் இன்டர்நேஷனல் கோல்ஃப் கிளப் & வில்லாஸ் செமைஸ்மா மற்றும் மஸ்கட்டில் உள்ள டிரம்ப் இன்டர்நேஷனல் ஹோட்டல் ஓமன் ஆகியவை தங்களின் "முறையான இலக்குகள்" என ஈரான் இராணுவம் குறிப்பிட்டுள்ளது.
ஹார்முஸ் நீரிணை
ஹார்முஸ் நீரிணை குறித்தும் ஈரான் தீவிர எச்சரிக்கை
ஈரானின் சிவில் உள்கட்டமைப்புகள் மீது அமெரிக்கா ஏதேனும் தாக்குதல் நடத்தினால், அதற்கு வளைகுடா பிராந்தியம் முழுவதும் மிகக் கடுமையான பதிலடி கொடுக்கப்படும் என ஈரானிய அதிகாரிகள் எச்சரித்ததை தொடர்ந்து இந்த அறிவிப்பு வெளியாகியுள்ளது.
ஈரானின் மின் உற்பத்தி நிலையங்கள் மற்றும் பாலங்களைக் குறிவைத்து அதிபர் டொனால்ட் டிரம்ப் அச்சுறுத்தல் விடுத்துள்ள நிலையில், அமெரிக்கா அவ்வாறு செய்தால் அதைவிடப் பேரழிவை ஏற்படுத்தும் தாக்குதலைத் தொடுப்போம் என ஈரானிய இராணுவ செய்தித் தொடர்பாளர் இப்ராஹிம் சோல்பகாரி தெரிவித்துள்ளார்.
மேலும், உலகளாவிய கச்சா எண்ணெய் விநியோகத்தின் முக்கிய பாதையான ஹார்முஸ் நீரிணையில் அமெரிக்கா தலையிட முயன்றால் அது ஈரானின் 'சிவப்புக் கோட்டை' தாண்டுவதாகும் என்றும் அவர் எச்சரித்துள்ளார்.