இந்தியாவில் தொடர்ந்து பலியாகும் சிறுத்தைகள்: கவலை தெரிவிக்கும் வெளிநாட்டு வல்லுநர்கள்
செய்தி முன்னோட்டம்
ஆசிய சிறுத்தைகள் 1940களின் பிற்பகுதியில் இந்தியாவில் மொத்தமாக அழிந்துவிட்டன.
அது போன்ற சிறுத்தைகளை மீண்டும் இந்தியாவில் அறிமுகப்படுத்த 'பிராஜெக்ட்-சீட்டா' என்ற திட்டம் தொடங்கப்பட்டது.
2020ஆம் ஆண்டில், இந்தியாவின் உச்சநீதிமன்றம், ஆப்பிரிக்க சிறுத்தைகளை, சோதனையின் அடிப்படையில் நாட்டிற்குள் கொண்டு வரலாம் என்று தீர்ப்பளித்ததை அடுத்து, 20 ஆப்பிரிக்க சிறுத்தைகள் இந்தியாவுக்கு கொண்டுவரப்பட்டது.
கடந்த ஆண்டு செப்டம்பரில் தொடங்கப்பட்ட சிறுத்தைகளை மீண்டும் அறிமுகப்படுத்தும் திட்டத்தின் ஒரு பகுதியாக, நமீபியாவில் இருந்து இந்தியாவுக்கு 8 சிறுத்தைகள் கொண்டுவரப்பட்டு குனோ தேசிய பூங்காவில் விடப்பட்டன.
இந்த ஆண்டு பிப்ரவரியில் தென் ஆப்பிரிக்காவிலிருந்து மேலும் 12 சிறுத்தைகள் கொண்டுவரப்பட்டன.
ஆனால், இந்த திட்டம் தொடங்கப்பட்ட 10 மாதங்களுக்குள், குனோ தேசியப் பூங்காவில் விடப்பட்டிருந்த 10 ஆப்பிரிக்க சிறுத்தைகள் உயிரிழந்தன.
சஜக்ட்வ்
சரியாக பராமரித்திருந்தால் சிறுத்தைகளின் இறப்புகளை கட்டுப்படுத்தி இருக்கலாம்
இந்த திட்டத்தினால் 75 ஆண்டுகளுக்கு பிறகு முதல்முறையாக இந்தியாவில் பிறந்த மூன்று சிறுத்தை குட்டிகளும் உயிரிழந்தன.
இந்த மரணங்கள் இந்தியாவின் சிறுத்தை பாதுகாப்பு முயற்சிகள் மற்றும் தேசிய பூங்காவில் சிறுத்தைகளுக்கு என்ன நடக்கிறது என்பது குறித்த கேள்விகளை எழுப்பியுள்ளது.
இந்நிலையில், இந்த திட்டத்தை வழிநடத்தும் குழுவில் உறுப்பினர்களாக இருக்கும் ஆப்பிரிக்க நிபுணர்கள், இந்திய உச்ச நீதிமன்றத்திற்கு எழுதிய கடிதத்தில் திட்ட மேலாண்மை குறித்து கடுமையான கவலைகளை எழுப்பியுள்ளனர்.
மத்திய பிரதேசத்தின் குனோ தேசிய பூங்காவில் வேலை செய்யும் அதிகாரிகளிடம் வெளிப்படைத்தன்மை இல்லாதது குறித்தும் அவர்கள் விரக்தியை வெளிப்படுத்தியுள்ளனர்.
சரியாக கண்காணித்து, பராமரித்திருந்தால் சில சிறுத்தைகளின் இறப்புகளை கட்டுப்படுத்தி இருக்கலாம் என்றும் ஆப்பிரிக்க நிபுணர்கள் கூறியுள்ளனர்.