தன்னைத்தானே குழந்தை வடிவத்தில் நகலெடுத்த பயோஹேக்கர் பிரையன் ஜான்சன்! வயது பின்னோக்கி செல்லுமா?
செய்தி முன்னோட்டம்
தனது வயதைக் குறைத்து நீண்ட காலம் வாழ வேண்டும் என்ற முயற்சியில் ஈடுபட்டு வரும் அமெரிக்கப் பிரபல பயோஹேக்கர் பிரையன் ஜான்சன், தற்போது தன்னைத்தானே ஒரு குழந்தையாக குளோனிங் செய்து பெட்ரி டிஷில் வளர்த்து வருவதாக அறிவித்து உலகளவில் மீண்டும் கவனத்தை ஈர்த்துள்ளார். இந்தத் தொழில்நுட்பம் தனது வயதைப் பின்னோக்கி நகர்த்தவும், வருங்காலத்தில் உடலின் உறுப்புகளைப் புதிதாக வளர்த்து மாற்றியமைக்கவும் பெரிதும் உதவும் என்று அவர் எக்ஸ் தளத்தில் தெரிவித்துள்ளார்.
அணுக்கள்
எம்பிரியோனிக் அணுக்கள் உருவாக்கப்பட்டது எப்படி?
தனது உடலில் இருந்து ரத்த அணுக்களைப் பிரித்தெடுத்து, அதற்கு யமனாக்கா ஃபேக்டர்ஸ் என்ற சிறப்புத் தொழில்நுட்பத்தைப் பயன்படுத்தி, அவற்றின் மரபணு வயதை பூஜ்யத்திற்கு மாற்றியதாக பிரையன் ஜான்சன் விளக்கியுள்ளார்.
இதன் மூலம் அந்த செல்கள் அனைத்தும் கருநிலை செல்கள் போன்ற பல்திறன் கொண்ட கலங்களாக மாறியுள்ளன.
இந்த செல்களைக் கொண்டு மூளை நரம்புகள், இதயத் தசைகள் மற்றும் விழித்திரை செல்கள் போன்ற நூற்றுக்கணக்கான புதிய உடல் செல்களை உருவாக்க முடியும் என்று அவர் கூறியுள்ளார்.
மருத்துவப் பயன்பாடு
உறுப்புகள் மாற்றம் மற்றும் மருத்துவப் பயன்பாடுகள்
இந்தக் குளோனிங் முறையின் மூலம் தனக்குத் தேவையான புதிய இளம் செல்களைப் பெற முடியும் என்றும், வருங்காலத்தில் பார்வைக் குறைபாடு, காது கேளாமை, சிறுநீரகம், கல்லீரல் மற்றும் நுரையீரல் போன்ற உறுப்புகளின் பாதிப்புகளைச் சீரமைக்க முடியும் என்றும் ஜான்சன் நம்பிக்கை தெரிவித்துள்ளார்.
மேலும் பார்க்கின்சன் நோய், இதயக் கோளாறுகள் மற்றும் பார்வைக் குறைபாடுகளுக்கு சிகிச்சையளிக்க ஏற்கனவே இத்தகைய தொழில்நுட்ப ஆய்வுகள் பயன்பாட்டில் உள்ளதாகவும், இது எதிர்கால மருத்துவத் துறையில் மிகப்பெரிய புரட்சியை ஏற்படுத்தும் என்றும் அவர் சுட்டிக்காட்டியுள்ளார்.
ஆட்டோ இம்யூன் நோய்
தானாகவே ஆட்டோ இம்யூன் நோயால் பாதிக்கப்பட்ட பிரையன்
சமீபத்தில் பிரையன் ஜான்சன் தான் ஆட்டோ இம்யூன் கேஸ்ட்ரிடிஸ் என்ற குணமாகாத நோய் பாதிப்பிற்கு ஆளாகியிருப்பதாகக் கூறியிருந்தார்.
இதில் உடலின் நோய் எதிர்ப்பு மண்டலமே வயிற்றுப் பகுதியை சேதப்படுத்தும்.
இருப்பினும், இந்த நோயறிதல் தன் வாழ்க்கையில் நடந்த சிறந்த விஷயங்களில் ஒன்று எனக் குறிப்பிட்ட அவர், இது போன்ற கடினமான சவால்களே புதிய மருத்துவக் கண்டுபிடிப்புகளையும், மனித உடலின் ஆயுளை நீட்டிக்கும் புதிய முயற்சிகளையும் நோக்கித் தன்னைத் தொடர்ந்து தள்ளுவதாகத் தெரிவித்துள்ளார்.
ஆரோக்கியம்
எதிர்கால ஆரோக்கியத்தின் புதிய பரிணாமம்
பிரையன் ஜான்சனின் இந்த விசித்திரமான குளோனிங் அறிவிப்பு பலருக்கும் அச்சுறுத்தலையும், அறிவியல் புனைகதை போன்ற மாயையையும் தந்தாலும், மற்றவர்களுக்கு இது சுகாதாரத் துறையின் தவிர்க்க முடியாத எதிர்காலமாகத் தெரியும் என்று அவர் குறிப்பிட்டுள்ளார்.
முதுமையைத் தடுத்து, மனித ஆயுளை பல நூறு ஆண்டுகள் நீட்டிக்கும் முயற்சியில் தொடர்ந்து ஈடுபட்டு வரும் இவரது இந்த புதிய பேபி-பிரையன் ஆய்வு, அறிவியல் உலகிலும் சமூக வலைதளங்களிலும் தற்பொழுது மிகப்பெரிய விவாதத்தைக் கிளப்பியுள்ளது.
ட்விட்டர் அஞ்சல்
Twitter Post
I just cloned myself...as a newborn
— Bryan Johnson (@bryan_johnson) July 21, 2026
With this clone, I can:
+ become my own blood boy
+ test therapies on the clone
+ grow organs for transplantation
+ develop new treatments
+ inject young cells
This baby-bryan lives in a petri dish for now.
This may be scary to some… pic.twitter.com/Ved8ij9Col