'மண் காப்போம்' இயக்கம் குறித்து விழிப்புணர்வு - பிரான்சில் இருந்து கோவைக்கு சைக்கிளில் வந்த பெண்
செய்தி முன்னோட்டம்
கோவை: 'மண் காப்போம்' இயக்கம் குறித்த விழிப்புணர்வை ஏற்படுத்த பிரான்ஸ் நாட்டை சேர்ந்த பெண்மணி பிரான்ஸ் நாட்டிலிருந்து கோவைக்கு சைக்கிலிலேயே 7 ஆயிரம் கிலோமீட்டர் பயணித்து சாதனை படைத்துள்ளார்.
கடந்த ஆண்டு ஜூன் 21ம் தேதி பிரான்ஸ் நாட்டில் தனது சொந்த ஊரான டூலோன் நகரிலிருந்து 50 வயதான நதாலி மாஸ் புறப்பட்டுள்ளார்.
இத்தாலி ஸ்லோவேனியா, குரோஷியா, பல்கேரியா, துருக்கி, ஓமன் போன்ற நாடுகள் வழியாக சைக்கிளில் பயணித்து வந்த இவர் கடந்த மாதம் 1ம் தேதி இந்தியாவை அடைந்துள்ளார் என்று கூறப்படுகிறது.
விழிப்புணர்வு ஏற்படுத்தவே இந்த சைக்கிள் பயணம் மேற்கொள்ளப்பட்டுள்ளது.
30கிமீ., பயணம்
உத்வேகமாக அமைந்த ஜக்கி வாசுதேவ் மோட்டார் சைக்கிள் பயணம்-நதாலி மாஸ்
இதனை தொடர்ந்து பல்வேறு மாநிலங்கள் வழியாக பயணித்து நதாலி மாஸ் அவர்கள் தற்போது கோவை மாவட்டம் , ஈஷா மையத்திற்கு வந்துள்ளார்.
இதுகுறித்து நதாலி மாஸ் கூறுகையில், 'மண் காப்போம்' இயக்கத்துக்காக ஈஷா யோகா மைய நிறுவனர் ஜக்கி வாசுதேவ் தனிநபராக மேற்கொண்ட 30 ஆயிரம் கி.மீ. மோட்டார் சைக்கிள் பயணம் தான் தனது பயணத்துக்கான உத்வேகமாக அமைந்தது என்று கூறியுள்ளார்.
மேலும், ஜக்கி வாசுதேவை ஸ்விட்சர்லாந்திலும், பாரிசிலும் 'மண் காப்போம்' பயணத்தின் பொழுது சந்தித்ததாக கூறினார்.
அவரது செயல்கள் மிக நெகிழ்ச்சி அடைய செய்தது என்று கூறிய நதாலி மாஸ், அரசியல் கட்சி தலைவர்கள் 'மண் காப்போம்' திட்டத்துக்கு முக்கியத்துவம் அளித்து சட்டங்கள் மற்றும் நடைமுறைகளை செயல்படுத்த வேண்டும் என்று கேட்டுக்கொண்டுள்ளார்.