மகளிர் ஐபிஎல் 2023 : எலிமினேட்டர் போட்டியில் மும்பை இந்தியன்ஸ் vs உ.பி.வாரியர்ஸ் பலப்பரீட்சை
செய்தி முன்னோட்டம்
மகளிர் ஐபிஎல் 2023 சீசனின் எலிமினேட்டர் போட்டியில் மும்பை இந்தியன்ஸ் மற்றும் உ.பி.வாரியர்ஸ் அணிகள் மோதுகின்றன.
மகளிர் ஐபிஎல்லின் லீக் போட்டிகளில் புள்ளிகள் பட்டியலில் முதலிடம் பிடித்து டெல்லி கேப்பிடல்ஸ் அணி நேரடியாக இறுதிப் போட்டிக்கு முன்னேறியது.
மும்பை இந்தியன்ஸ் மற்றும் உ.பி.வாரியர்ஸ் அணிகள் முறையே இரண்டாவது மற்றும் மூன்றாவது இடத்தை பிடித்து பிளே ஆப் சுற்றின் எலிமினேட்டர் போட்டியில் வெள்ளிக்கிழமை (மார்ச் 24) மோதுகின்றன.
எலிமினேட்டர் போட்டியில் வெற்றி பெறும் அணி இறுதிப்போட்டியில் டெல்லி கேப்பிடல்ஸ் அணியுடன் மோத உள்ளது.
எலிமினேட்டர் போட்டி நவி மும்பையில் உள்ள டிஒய் பாட்டீல் ஸ்போர்ட்ஸ் அகாடமி மைதானத்தில் இரவு 7:30 மணிக்கு மோத உள்ளன.
மும்பை இந்தியன்ஸ் vs உ.பி.வாரியர்ஸ்
எதிர்பார்க்கப்படும் விளையாடும் XI
நடப்பு ஐபிஎல்லில் இரு அணிகளும் நேருக்கு நேர் இரண்டு போட்டிகளில் மோதியுள்ள நிலையில், இரு அணிகளும் தலா ஒரு வெற்றியுடன் சம பலத்துடன் உள்ளது.
எதிர்பார்க்கப்படும் விளையாடும் XI வீரர்கள் பட்டியல் பின்வருமாறு :-
மும்பை இந்தியன்ஸ் : ஹேலி மேத்யூஸ், யாஸ்திகா பாட்டியா, நாட் ஸ்கிவர்-பிரண்ட், ஹர்மன்ப்ரீத் கவுர் (கேப்டன்), அமெலியா கெர், இஸ்ஸி வோங், அமன்ஜோத் கவுர், பூஜா வஸ்த்ரகர், ஹுமைரா காசி, ஜிந்திமணி கலிதா, சைகா இஷாக்.
உ.பி. வாரியர்ஸ் : ஸ்வேதா செஹ்ராவத், அலிசா ஹீலி (கேப்டன்), கிரண் நவ்கிரே, தஹ்லியா மெக்ராத், தீப்தி சர்மா, சோஃபி எக்லெஸ்டோன், சிம்ரன் ஷேக், பார்ஷவி சோப்ரா, அஞ்சலி சர்வானி, சொப்பதண்டி யஷாஸ்ரீ, ஷப்னிம் இஸ்மாயில்.