ஆஸ்திரேலிய தேசிய கால்பந்து அணியில் இடம் பிடித்த தமிழர்; வைரலாகும் நிஷான் வேலுப்பிள்ளை வீடியோ
செய்தி முன்னோட்டம்
ஃபிஃபா உலகக்கோப்பை 2026க்கான ஆசிய தகுதிச் சுற்றில் கடந்த வியாழக்கிழமை (அக்டோபர் 10) நடந்த போட்டியில் ஆஸ்திரேலிய தேசிய கால்பந்து அணியில் நிஷான் வேலுப்பிள்ளை என்ற தமிழர் அறிமுகமானார்.
இலங்கையை பூர்வீகமாகக் கொண்ட கொண்ட 23 வயதான நிஷான் வேலுப்பிள்ளை 2019 முதல் ஆஸ்திரேலியாவில் அடிலெய்டு யுனைடெட் அணிக்காக விளையாடி வருகிறார்.
ஃபிஃபா உலகக்கோப்பை தகுதிச் சுற்று போட்டிகளில் ஆஸ்திரேலிய அணி தொடர்ந்து பின்னடைவை வந்த நிலையில், அணியின் மேலாளராக புதிதாக பொறுப்பேற்ற டோனி போபாவிக் வியாழக்கிழமை நடைபெற்ற சீனாவுக்கு எதிரான போட்டியில் நிஷான் வேலுப்பிள்ளையை சேர்த்தார்.
முதல் கோல்
அறிமுக போட்டியில் முதல் கோல்
ஆஸ்திரேலிய அணிக்காக மாற்று வீரராக போட்டியின் 83வது நிமிடத்தில் களம் நுழைந்த நிஷான் அடுத்த 7 நிமிடத்தில் தனது அறிமுக போட்டியில் முதல் சர்வதேச கோலை அடித்து அணியின் வெற்றிக்கு முக்கிய பங்களித்தார்.
அவர் ஆஸ்திரேலிய அணிக்காக கோல் அடித்த வீடியோ இணையத்தில் வைரலாகி வருகிறது.
மேலும், அவர் அணிந்திருந்த 7 என்ற எண் கொண்ட ஜெர்சியும் ரசிகர்களை கவர்ந்துள்ளது. கிறிஸ்டியானோ ரொனால்டோவின் ஜெர்சி எண்ணும் 7 என்பது குறிப்பிடத்தக்கது.
இதற்கிடையே, நிஷான் வேலுப்பிள்ளையின் கோல் மூலம் வெற்றி பெற்ற ஆஸ்திரேலிய கால்பந்து அணி, ஃபிஃபா உலகக்கோப்பை தகுதி வாய்ப்பை தக்கவைத்துள்ளது.
ட்விட்டர் அஞ்சல்
நிஷான் வேலுப்பிள்ளை கோல் அடிக்கும் வீடியோ
Amazing to see another Tamil professional athlete - this time from Australia.
— Dr. Thusiyan Nandakumar (@Thusi_Kumar) October 12, 2024
Nishan Velupillay scored on his international debut for the Australian national team as they took on PR China last week.
More Tamil excellence ❤️💛💫
🎥 @Socceroos pic.twitter.com/rSQvIFtKEj