ஸ்போர்ட்ஸ் ரவுண்டு அப்: இன்றைய முக்கிய செய்திகள்
செய்தி முன்னோட்டம்
பாகிஸ்தான் கிரிக்கெட் அணிக்கு எதிராக 3 போட்டிகள் அடங்கிய டி20 தொடரில் விளையாடி வருகிறது நியூசிலாந்து கிரிக்கெட் அணி.
இந்த தொடரின் முதல் போட்டி ஆக்லாந்து மைதானத்தில் நடைபெற்றது.
இந்த போட்டியில் நியூசிலாந்து அணி 46 ரன்கள் வித்தியசத்தில் வெற்றி பெற்றது.
இந்த ஆட்டத்தில், 4 விக்கெட்டுகளை கைப்பற்றி டிம் செளத்தி, தனது அணியின் வெற்றிக்கு முக்கிய பங்காற்றினார்.
கூடுதலாக டி20 கிரிக்கெட் வரலாற்றில் முதல் முறையாக 150 விக்கெட்டுகளை வீழ்த்திய வீரர் என்ற சாதனையும் டிம் செளத்தி புரிந்துள்ளார்.
card 2
தமிழ்நாடு வாலிபால் லீக்: சென்னை அணி சாம்பியன்
முதல்முறையாக, தமிழ்நாடு வாலிபால் சங்கம் சார்பில் நடத்தப்படும் தமிழ்நாடு வாலிபால் லீக் போட்டிகள், சென்னை மைலாப்பூரில் உள்ள சாந்தோம் உயர் நிலைப்பள்ளியில் நடைபெற்றது.
இந்த போட்டியில் தமிழ்நாடு முழுவதிலிருந்தும் 6 அணிகள் கலந்து கொண்டன.
இந்த தொடரின் இறுதி போட்டியில் சென்னை ராக்ஸ்டார்ஸ் மற்றும் கடலூர் வித் அஸ் அணிகள் மோதின.
இதில் சென்னை ராக்ஸ்டார்ஸ் அணி 21-17, 21-16, 21-19 என புள்ளிகள் பெற்று சாம்பியன் பட்டத்தை வென்றது.
வெற்றி பெற்ற அணிக்கு, இளைஞர் நலன் மற்றும் விளையாட்டு மேம்பாட்டு துறை அமைச்சர் உதயநிதி ஸ்டாலின் கோப்பையை வழங்கினார்.
card 3
ஒலிம்பிக் ஹாக்கி தகுதி சுற்றில் இந்திய அணி தோல்வி
பாரீஸ் ஒலிம்பிக் போட்டிக்கான மகளிர் ஹாக்கி தகுதி சுற்று ராஞ்சியில் நேற்று துவங்கியது. இந்த தகுதி சுற்றில் போட்டியிட 8 அணிகள் வந்தன.
இத்தொடரின் 'பி' பிரிவில் இடம் பெற்றிருந்த நேற்று தனது முதல் போட்டியில் அமெரிக்காவை எதிர்கொண்டது.
இந்த ஆட்டத்தில் இந்திய அணி 0-1 என்ற கோல் கணக்கில் தோல்வி அடைந்தது.
இந்திய அணி தனது 2-வது ஆட்டத்தில் இன்று நியூஸிலாந்துடன் மோதுகிறது.
இந்திய நேரப்படி, இந்த ஆட்டம் இன்று இரவு 7:30க்கு தொடங்கவிருக்கிறது.
card 4
துப்பாக்கி சுடுதல் ஒலிம்பிக் தகுதி சுற்று: இந்தியாவின் விஜய்வீர் சித்து வெற்றி
இந்தோனேஷியாவின் ஜகார்த்தா நகரில் நடைபெற்று வரும், பாரீஸ் ஒலிம்பிக் போட்டிக்கான துப்பாக்கி சுடுதல் ஆசிய தகுதி போட்டிகளின் இறுதி சுற்று நேற்று நடைபெற்றது.
இதில் இந்தியாவின் விஜய்வீர் சித்து 28 புள்ளிகள் குவித்து வெள்ளிப் பதக்கம் வென்றார்.
அதோடு, இந்தாண்டு நடைபெறும் பாரீஸ் ஒலிம்பிக் போட்டிக்கும் தகுதி பெற்றார்.
கஜகஸ்தானின் நிகிதா சிர்யுகின் 32 புள்ளிகளுடன் தங்கப் பதக்கமும், கொரியாவின் ஜோங் ஹோ 23 புள்ளிகளுடன் வெண்கலப் பதக்கமும் கைப்பற்றினர்.
இதுவரை பாரீஸ் ஒலிம்பிக் துப்பாக்கி சுடுதல் போட்டிக்கு இந்தியாவில் இருந்து 17 பேர் தகுதி பெற்றுள்ளனர்
card 5
ஆஸ்திரேலிய ஓபன் இன்று தொடக்கம்
மிகவும் எதிர்பார்க்கப்படும் 2024ஆம் ஆண்டின் முதல் கிராண்ட் ஸ்லாம் டென்னிஸ் தொடரான ஆஸ்திரேலிய ஓபன் ஆஸ்திரேலியாவின் மெல்பர்ன் நகரில் இன்று தொடங்குகிறது.
தொடக்க நாளில் நடைபெறும் ஆடவர் ஒற்றையர் பிரிவில் முதல் நிலை வீரரான செர்பியாவின் நோவக் ஜோகோவிச், குரோஷியாவின் டினோ ப்ரிஸ்மிக்குடன் மோதுகிறார்.
மறுபுறம், இத்தாலியின் ஜன்னிக் ஷின்னர், நெதர்லாந்தின் போட்டிக் வான் டி சாண்ட்ஸ்கல்புடன் மோதுகிறார்.
மகளிர் ஒற்றையர் பிரிவில் பெலாரஸின் அரினா சபெலங்கா, ஜெர்மனியின் எல்லா சீடலுடன் மோதுகிறார்.