ஸ்போர்ட்ஸ் ரவுண்டு அப்: இன்றைய முக்கிய விளையாட்டுச் செய்திகள்
செய்தி முன்னோட்டம்
இந்தியாவை வீழ்த்தி டி20 தொடரை வென்றது ஆஸ்திரேலியா மகளிர் அணி.
நேற்று மும்பையில் நடைபெற்ற கடைசி டி20 போட்டியில் 7 விக்கெட்கள் வித்தியாசத்தில் ஆஸ்திரேலியா வெற்றி பெற்றது.
இதன் மூலம், இந்திய அணிக்கு எதிரான டி20 தொடரை 2-1 என்ற கணக்கில் வென்றுள்ளது ஆஸ்திரேலிய மகளிர் கிரிக்கெட் அணி.
முன்னதாக ஆஸ்திரேலியாவிற்கு எதிரான டெஸ்ட் தொடரில் இந்தியா வெற்றி பெற்றது.
எனினும், ஒருநாள் கிரிக்கெட் தொடரில் 3-0 என்ற கணக்கில் ஆஸ்திரேலியா வென்றது.
இதையடுத்து தற்போது நடைபெற்ற டி20 தொடரில் 2-1 என்ற கணக்கில் வென்றுள்ளது ஆஸ்திரேலியா மகளிர் அணி.
card 2
பிசிசிஐ உடன் கை கோர்க்கும் புதிய ஸ்பான்சர்கள்
பிசிசிஐ சார்பாக இந்தியாவில் நடத்தப்படும் சர்வதேச மற்றும் உள்நாட்டு கிரிக்கெட் போட்டிகளுக்கு புதிய ஸ்பான்சர்கள் ஒப்பந்தம் செய்யப்பட்டுள்ளனர்.
ரிலையன்ஸ் குழுமத்தின் கேம்பா (Campa) மற்றும் ஆட்டம்பெர்க் டெக்னாலஜிஸ் (Atomberg Technologies) நிறுவனங்களை புதிய ஸ்பான்சர்களாக பிசிசிஐ ஒப்பந்தம் செய்துள்ளது.
இந்தியாவில் நடைபெறும் அனைத்து போட்டிகளுக்கும் இவ்விரு நிறுவனங்கள் ஸ்பான்சர்களாக செயல்படுவார்கள்.
இந்த ஒப்பந்தம் நடப்பாண்டு முதல், 2026 ஆண்டு வரை தொடரும் எனவும், தற்போது நடைபெறவுள்ள இந்தியா - ஆப்கானிஸ்தான் அணிகளுக்கு இடையிலான டி20 தொடரிலிருந்தே இது தொடங்கும் எனவும் கூறப்பட்டுள்ளது
card 3
ஆசிய துப்பாக்கி சுடுதல் போட்டி: தங்கப்பதக்கம் வென்ற ருத்ராங்ஷ்- மெகுலி ஜோடி
இந்தோனேசியாவின் ஜாக்கர்த்தாவில் நடைபெறும் ஆசிய துப்பாக்கி சுடுதல் சாம்பியன்ஷிப் போட்டியில், 10 மீட்டர் ஏர்ரைபிள் கலப்பு அணிகள் பிரிவு பந்தயத்தின் இறுதி சுற்றில் இந்தியாவை சேர்ந்த ருத்ராங்ஷ் பட்டீல், மெகுலி கோஷ் ஜோடி 16-10 என்ற புள்ளி கணக்கில் சென் யுபான்-ஜூ மிங்ஷூய் ஜோடியை வீழ்த்தி தங்கப்பதக்கத்தை வென்றது.
இந்த போட்டியில் இந்தியா வென்ற 5-வது தங்கப்பதக்கம் இது என்பது குறிப்பிடத்தக்கது.
அதோடு, 10 மீட்டர் ஏர் பிஸ்டல் கலப்பு அணிகள் பிரிவின் இறுதி சுற்றில் இந்தியாவை சேர்ந்த அர்ஜூன் சிங் சீமா-ரிதம் சங்வான் கூட்டணி வெள்ளிப்பதக்கதை கைப்பற்றியது
card 4
கேப்டவுன் பிட்ச் திருப்தியற்றது: ஐசிசி
சமீபத்தில் நடந்த இந்தியா மற்றும் தென் ஆப்பிரிக்கா இடையிலான 2-வது டெஸ்ட் போட்டி நடைபெற்ற கேப்டவுன் பிட்ச் 'திருப்தியற்றது' என ஐசிசி தர நிர்ணயம் செய்துள்ளது.
கேப்டவுன் டெஸ்ட் போட்டி கிரிக்கெட் வரலாற்றில் மிக துரிதமாக முடிவடைந்த போட்டி என்ற சாதனையை நிகழ்த்தியது குறிப்பிடத்தக்கது.
அந்த மைதானத்தில் நடைபெற்ற 2-வது டெஸ்ட் போட்டி ஆட்டத்தின் முதல் நாளே, 23 விக்கெட்கள் சரிந்தன.
ஆட்டத்தில் மொத்தம் 642 பந்துகளே வீசப்பட்டது. உலக டெஸ்ட் போட்டி வரலாற்றில், குறைந்த பந்துகளில் முடிவடைந்த போட்டியாக இது மாறிய பிறகு தான் இந்த விவகாரம் சர்ச்சைக்குள்ளானது.
card 5
மலேசிய ஓபன் பாட்மிண்டன்: 2-வது சுற்றுக்கு முன்னேறிய கிடாம்பி ஸ்ரீகாந்த்
மலேசிய ஓபன் பாட்மிண்டன் தொடரில் இந்தியா சார்பாக விளையாடிவரும் கிடாம்பி ஸ்ரீகாந்த் 2வது சுற்றுக்கு முன்னேறியுள்ளார்.
மலேசியாவின் கோலாலம்பூரில் நடைபெற்று வரும் இந்த போட்டி தொடரில், ஆடவர் ஒற்றையர் பிரிவு முதல் சுற்றில் பங்கேற்றுள்ள ஸ்ரீகாந்த், தற்போது 24-வது இடத்தில் உள்ளார்.
இவர், உலகத் தரவரிசை பட்டியலில் 5-வது இடத்தில் உள்ள இந்தோனேஷியாவின் ஜோனாதன் கிறிஸ்டியுடன் மோதி 12-21, 21-18, 21-16 என்ற செட் கணக்கில் வெற்றி பெற்றார்.
தொடர்ந்து நடைபெறவுள்ள 2-வது சுற்றில் கிடாம்பி முன்னாள் உலக நம்பர் ஒன் வீரரான ஹாங்காங்கின் லாங் அங்கஸுடன் மோதுவார் ஸ்ரீகாந்த்.