'சானியா மிர்சா-சோயப் மாலிக் ஜோடி விவாகரத்து பெற்று சில மாதங்கள் ஆகிறது'
செய்தி முன்னோட்டம்
பாகிஸ்தான் முன்னாள் கிரிக்கெட் வீரர் சோயிப் மாலிக்கின் மூன்றாவது திருமணம் முடிவடைந்துள்ள நிலையில், சானியா மிர்சா-சோயப் மாலிக் ஜோடியின் விவாகரத்து குறித்து சானியா மிர்சாவின் குழு ஒரு அறிக்கையை வெளியிட்டுள்ளது.
பாகிஸ்தான் கிரிக்கெட் வீரர் சோயிப் மாலிக், பாகிஸ்தானின் பிரபல நடிகை சனா ஜாவேத்தை திருமணம் செய்து கொண்டதாக நேற்று அறிவித்தார்.
இந்நிலையில், சானியா மிர்சாவின் குழு இன்று ஒரு அறிக்கையை வெளியிட்டுள்ளது.
அந்த அறிக்கையில், சானியா மிர்சா-சோயப் மாலிக் ஜோடி விவாகரத்து பெற்று சில மாதங்கள் ஆகிறது என்று குறிப்பிடப்பட்டுள்ளது.
ஆனால், இதை வைத்து ரசிகர்கள் எந்த ஊகங்களிலும் ஈடுபட வேண்டாம் என்றும் கேட்டு கொள்ளப்பட்டுள்ளது.
திஜுவ்ல்க
விவாகரத்து குறித்த ஊகங்களை தவிர்க்க வேண்டுகோள்
"சானியா எப்போதுமே தனது தனிப்பட்ட வாழ்க்கையை மக்கள் பார்வையில் இருந்து விலக்கியே வைத்திருப்பவர். ஆனால், தானும் சோயப்பும் விவாகரத்து பெற்று சில மாதங்களே ஆன விவகாரத்தை பகிர்ந்து கொள்ள வேண்டிய அவசியம் இன்று அவருக்கு எழுந்துள்ளது. ஷோயப்பின் புதிய பயணத்திற்கு அவர் வாழ்த்து தெரிவித்துக்கொள்கிறார்! அதோடு, அவரது வாழ்க்கையின் இந்த முக்கியமான காலகட்டத்தில், அனைத்து ரசிகர்கள் மற்றும் நலன் விரும்பிகள் எந்தவிதமான ஊகங்களிலும் ஈடுபடுவதைத் தவிர்க்கவும், அவரது தனியுரிமையை மதிக்கவும் கேட்டுக்கொள்கிறோம்" என்று அந்த அறிக்கையில் கூறப்பட்டுள்ளது.
சோயிப் மாலிக்கும் சானியா மிர்சாவும் 2010ஆம் ஆண்டு ஹைதராபாத்தில் வைத்து திருமணம் செய்து கொண்டனர்.
அவர்களுக்கு இஷான் என்ற மகனும் இருக்கிறான் என்பது குறிப்பிடத்தக்கது.