ஒருநாள் கிரிக்கெட்டில் 10,000 ரன்கள் : புதிய சாதனை படைக்க உள்ள ரோஹித் சர்மா
இந்திய கிரிக்கெட் அணியின் கேப்டன் ரோஹித் சர்மா ஆஸ்திரேலியாவுக்கு எதிரான ஒருநாள் தொடரில் 10,000 ரன் மைல்கல்லை கடப்பார் என எதிர்பார்க்கப்படுகிறது. 10,000 ரன்களை எட்ட அவருக்கு 218 ரன்கள் மட்டுமே தேவையாக உள்ளது. மார்ச் 17 ஆம் தேதி தொடங்கும் ஆஸ்திரேலியாவுக்கு எதிராக வரவிருக்கும் மூன்று போட்டிகள் கொண்ட ரோஹித் இந்த சாதனையை படைத்தால் 10,000 ரன் கிளப்பில் நுழையும் ஆறாவது இந்திய மற்றும் ஒட்டுமொத்த அளவில் 15 வது வீரராக ஆவார் என்பது குறிப்பிடத்தக்கது. இந்தியர்களில், அவர் சச்சின் டெண்டுல்கர், விராட் கோலி, சவுரவ் கங்குலி, ராகுல் டிராவிட் மற்றும் எம்எஸ் தோனி ஆகியோர் மட்டுமே இதற்கு முன்பு ஒருநாள் கிரிக்கெட்டில் 10,000 ரன்களுக்கு மேல் எடுத்துள்ளனர்.
ஒருநாள் கிரிக்கெட்டில் ரோஹித் சர்மாவின் புள்ளி விபரங்கள்
ரோஹித் சர்மா 241 ஒருநாள் போட்டிகளில் 48.91 என்ற சராசரியில் 9,782 ரன்கள் எடுத்துள்ளார். 30 ஒருநாள் சதங்கள் அடித்து சகநாட்டு வீரர்களான கோலி (46), டெண்டுல்கர் (49) ஆகியோருக்கு அடுத்தபடியாக அதிக சதங்கள் அடித்தவர்கள் பட்டியலில் மூன்றாவது இடத்தில் உள்ளார். மேலும் 48 அரைசதங்களும் அடித்துள்ளார். அவர் ஒருநாள் போட்டிகளில் மூன்று இரட்டை சதங்களும் அடித்துள்ளது குறிப்பிடத்தக்கது. வேறு எந்த பேட்டரும் ஒருநாள் கிரிக்கெட்டில் ஒன்றுக்கும் மேற்பட்ட இரட்டை சதங்கள் அடித்ததில்லை. கேப்டனாக இருந்து ரோஹித் 24 ஒருநாள் போட்டிகளில் 58.94 என்ற சராசரியில் 1,120 ரன்கள் எடுத்துள்ளார். இதில் மூன்று சதங்கள் மற்றும் ஏழு அரைசதங்கள் அடங்கும்.
