இந்தியாவுக்கு எதிராக டெஸ்டில் அதிகபட்ச இலக்கை சேஸ் செய்த இங்கிலாந்து
செய்தி முன்னோட்டம்
2022இல் இங்கிலாந்து கிரிக்கெட் அணி டெஸ்ட் கிரிக்கெட்டில் இந்தியாவுக்கு எதிராக 378 ரன்கள் இலக்கை சேஸ் செய்த தினம் இன்று. இந்தியாவுக்கு எதிராக எந்தவொரு அணியும் டெஸ்ட் கிரிக்கெட்டில் செய்த அதிகபட்ச சேஸ் ஆக இது வரலாற்றில் பதிவாகியுள்ளது.
england created record
ஜானி பேர்ஸ்டோ - ஜோ ரூட் கூட்டணியில் இலக்கை எட்டிய இங்கிலாந்து
இங்கிலாந்து கிரிக்கெட் அணிக்கு 378 ரன்கள் வெற்றி இலக்காக நிர்ணயிக்கப்பட்டதால் வெல்வது கடினம் என எதிர்பார்க்கப்பட்டது. ஆனால் யாரும் எதிர்பாராத வகையில் ஜோ ரூட் மற்றும் ஜானி பேர்ஸ்டோ கூட்டணி அமைத்து இருவரும் தனித்தனியாக சதங்களை கடந்து அணிக்கும் வெற்றியைத் தேடித்தந்தனர். ஜானி பேர்ஸ்டோ முதல் இன்னிங்ஸிலும் சதமடித்து அணியின் வெற்றியில் முக்கிய பங்கு வகித்தார். இதன் மூலம் இங்கிலாந்து தொடரை 2-2 என சமன் செய்து, முந்தைய சீசனில் பெற்ற பட்டோடி கோப்பையை தக்கவைத்தது. மேலும், டெஸ்ட் போட்டிகளில் இந்தியாவுக்கு எதிராக எந்தவொரு அணியாலும் செய்யப்பட்ட அதிகபட்ச சேசிங் ஆக இது வரலாற்றில் பதிவாகியது. 1977ல் ஆஸ்திரேலியா 339 ரன்களை சேஸ் செய்ததே இதற்கு முன் இந்தியாவுக்கு எதிராக அதிகபட்சமாக இருந்தது.