சென்னை சூப்பர் கிங்ஸில் சேர்த்துக்கொள்ள நடிகர் யோகி பாபு கோரிக்கை! தோனியின் Epic ரிப்ளை
செய்தி முன்னோட்டம்
இந்திய கிரிக்கெட் அணியின் முன்னாள் கேப்டன் எம்எஸ் தோனியும், அவரது மனைவி சாக்ஷியும் தங்களின் முதல் படமான LGM படத்தின் ஆடியோ மற்றும் டிரைலர் வெளியீட்டு விழாவிற்காக, நேற்று (ஜூலை 10) சென்னை வந்திருந்தனர்.
எம்எஸ் தோனிக்கு, உலகம் முழுவதும் ஏராளமான ரசிகர்கள் இருந்தாலும், சென்னை அவருக்கு மிகவும் ஸ்பெஷலானது.
சென்னை சூப்பர் கிங்ஸ் மட்டுமல்லாது, இந்திய அணியில் விளையாடியபோதும், அவரது பல முக்கிய தருணங்கள், சென்னை சேப்பாக்கம் மைதானத்தில் இடம் பெற்றதும், அவரை எப்போதும் சென்னையுடன் நெருங்கிய பிணைப்பை கொண்டிருக்க வைத்தது.
இந்நிலையில், LGM பட டிரைலர் வெளியீட்டு விழாவில், அந்த படத்தில் நடித்த யோகி பாபு, தன்னை சென்னை சூப்பர் கிங்ஸ் அணியில் சேர்த்துக்கொள்ளுமாறு கேட்டார்.
ms dhoni answer to yogi babu
யோகி பாபுவின் கோரிக்கைக்கு தோனி பதில்
நடிகர் யோகி பாபுவின் கோரிக்கைக்கு அங்கேயே பதிலளித்த எம்எஸ் தோனி, "அம்பதி ராயுடு ஓய்வு பெற்றுவிட்டதால், உங்களுக்கு அணியில் இடம் இருக்கிறது".
"நான் நிர்வாகத்திடம் பேசுகிறேன். ஆனால், நீங்கள் படங்களில் மிகவும் பிஸியாக இருக்கிறீர்கள். அணியில் சேர்ந்தால், நீங்கள் தொடர்ந்து விளையாட வேண்டும். ஆனால் எதிர் தரப்பினர் மிக வேகமாக பந்துவீசுவார்கள், அதுவும் உங்களை காயப்படுத்த மட்டுமே பந்து வீசுவார்கள்." என்று கூறினார்.
முன்னதாக, ஞாயிற்றுக்கிழமை (ஜூலை 9), இப்படத்தின் டிரெய்லர் வெளியீட்டு விழாவிற்காக தோனி, தனது மனைவி சாக்ஷியுடன் சென்னை வந்தபோது ரசிகர்களிடம் அமோக வரவேற்பைப் பெற்றார்.
விமான நிலையத்திலிருந்து இவர்கள் இருவரும் வெளியே வந்ததும், கூட்டம் தோனியின் பெயரைக் கோஷமிட்டு, அவர்கள் மீது மலர் மழை பொழிந்தது.