விவசாயி அவதாரம்! வயலில் டிராக்டர் ஓட்டும் வீடியோவை வெளியிட்ட எம்.எஸ்.தோனி!
செய்தி முன்னோட்டம்
இந்திய கிரிக்கெட் அணியின் முன்னாள் கேப்டனான எம்.எஸ்.தோனி, 2 வருடம் கழித்து இன்ஸ்டாகிராமில் புதிய பதிவு ஒன்றை வெளியிட்டுள்ளார்.
புதன்கிழமை (பிப்ரவரி 8) வயல்களில் டிராக்டரை ஓட்டும் வீடியோவை தோனி இன்ஸ்டாகிராமில் பகிர்ந்துள்ளார்.
வீடியோவுடன், "புதியதைக் கற்றுக்கொள்வது மகிழ்ச்சி அளிக்கிறது. ஆனால் வேலையை முடிக்க அதிக நேரம் எடுத்தது" என்று தோனி கருத்து பதிவிட்டுள்ளார். வீடியோவில், தோனிக்கு இரண்டு விவசாயிகள் விவசாய வயல்களை உழ கற்றுக் கொடுப்பதைக் காணலாம்.
எம்.எஸ். தோனி பைக் மற்றும் கார்களின் மீது அதிக பிரியர் கொண்டவர் என்பது அனைவருக்கும் தெரியும். இந்நிலையில், அவர் புதிதாக விவசாயி அவதாரம் எடுத்து வயல்களில் டிராக்டர் ஓட்டும் வீடியோ ரசிகர்களிடையே வேகமாக பரவி வருகிறது.
எம்.எஸ்.தோனி
கிரிக்கெட்டில் தோனியின் செயல்பாடு
எம்.எஸ்.தோனி தனது கடைசி ஐபிஎல் சீசனில் சிஎஸ்கே அணிக்காக இந்த ஆண்டு விளையாட உள்ளார்.
சர்வதேச கிரிக்கெட்டில் இருந்து ஓய்வு பெற்ற தோனி, ஐபிஎல் தவிர்த்த சமயங்களில் நண்பர்கள் மற்றும் குடும்பத்தினருடன் நேரத்தை செலவிட்டு வருகிறார்.
மேலும் அவர் சமீபத்தில் மீண்டும் ஐபிஎல் தொடருக்கான பயிற்சிக்காக சிஎஸ்கே அணியுடன் இணைந்துள்ளார்.
கடந்த சீசனில் ரவீந்திர ஜடேஜாவிடம் இருந்து கேப்டன் பொறுப்பை திரும்பப் பெற்ற பிறகு, ஐபிஎல் 2023இல் நான்கு முறை சாம்பியனான சென்னை சூப்பர் கிங்ஸை எம்எஸ் தோனி வழிநடத்த உள்ளார்.
ஐபிஎல் 2022இல் கடந்த ஆண்டு ஒன்பதாவது இடத்தைப் பிடித்த பிறகு ஏமாற்றமளிக்கும் சீசனில் இருந்து சிஎஸ்கே மீண்டு வருவதைப் பார்க்க ரசிகர்கள் உற்சாகமாக உள்ளனர்.