400 டி20 கிரிக்கெட் போட்டிகளில் விளையாடிய நான்காவது இந்தியர்; எம்எஸ் தோனி புதிய சாதனை
செய்தி முன்னோட்டம்
சென்னை சூப்பர் கிங்ஸ் (சிஎஸ்கே) கேப்டன் எம்எஸ் தோனி எம்ஏ சிதம்பரம் ஸ்டேடியத்தில் சன்ரைசர்ஸ் ஹைதராபாத் அணிக்கு எதிரான ஐபிஎல் 2025 போட்டியின் போது ஒரு வரலாற்று மைல்கல்லை எட்டினார்.
இந்த போட்டியில் பங்கேற்றதன் மூலம் 400 டி20 போட்டிகளில் விளையாடிய நான்காவது இந்திய கிரிக்கெட் வீரர் ஆனார்.
இதற்கு முன்னர் ரோஹித் ஷர்மா (456 போட்டிகள்), தினேஷ் கார்த்திக் (412) மற்றும் விராட் கோலி (408) ஆகியோர் மட்டுமே இந்த மைல்கல் இலக்கை எட்டியுள்ளது குறிப்பிடத்தக்கது.
கேப்டன்சி
டி20யில் கேப்டன்சியில் யாரும் எட்டாத உயரம்
தனது தலைமைத்துவத்திற்கு பெயர் பெற்ற எம்எஸ் தோனி 400வது டி20 போட்டி எனும் மைல்கல்லை எட்டியது ஒருபுறம் இருக்க, டி20 கிரிக்கெட்டில் கேப்டனாக 326 போட்டிகள் விளையாடியுள்ளார்.
இது டி20 கிரிக்கெட்டில் வேறு எந்த வீரரையும் விட மிகவும் அதிகமாகும். மேலும், தனது டி20 வாழ்க்கையில், தோனி 38.02 சராசரியிலும் 135.90 ஸ்ட்ரைக் ரேட்டிலும் 7,566 ரன்கள் எடுத்துள்ளார்.
இதில் 28 அரைசதங்கள் மற்றும் 84* என்ற அதிகபட்ச ஸ்கோர் அடங்கும். விக்கெட் கீப்பராக அவர், 227 கேட்சுகளையும் 91 ஸ்டம்பிங்குகளையும் பதிவு செய்துள்ளார்.
ஐபிஎல்லில், தோனி 273 போட்டிகளில் விளையாடி, அதிக போட்டிகளில் விளையாடிய வீரராக தொடர்ந்து ஆதிக்கம் செலுத்தி வருகிறார்.
ஐபிஎல்
ஐபிஎல் புள்ளிவிபரங்கள்
ஐபிஎல்லில் அவர் 137.87 ஸ்ட்ரைக் ரேட்டில் 5,377 ரன்களைக் குவித்துள்ளார். இதில் 24 அரை சதங்கள், 373 பவுண்டரிகள் மற்றும் 260 சிக்சர்கள் அடங்கும்.
அவரது விக்கெட் கீப்பிங் சாதனையில் 155 கேட்சுகள் மற்றும் 46 ஸ்டம்பிங்குகள் அடங்கும். ஐபிஎல் 2025 இன் நடுப்பகுதியில், ருதுராஜ் கெய்க்வாட்டின் காயத்திற்குப் பிறகு தோனி மீண்டும் கேப்டன் பொறுப்பை ஏற்றுக்கொண்டார்.
கேப்டனாக 230 ஐபிஎல் போட்டிகளாக தனது சாதனையை நீட்டித்தார், அவரது தலைமையிலான ஐபிஎல் அணி 134 வெற்றிகள் மற்றும் ஐந்து பட்டங்களை வென்றுள்ளது.
சர்வதேச அளவில், 98 டி20 போட்டிகளில் 1,617 ரன்கள் எடுத்து, 2007 இல் இந்தியாவை தொடக்க ஐசிசி டி20 உலகக் கோப்பை பட்டத்தை வென்றார்.