'Man with a Plan' : ஐந்தாவது ஐபிஎல் பட்டத்தை வென்ற தல தோனிக்கு தமிழக முதல்வர் ஸ்டாலின் வாழ்த்து!
ஐபிஎல் 2023 தொடரின் இறுதிப் போட்டியில் சென்னை சூப்பர் கிங்ஸ் வரலாற்று வெற்றி பெற்றதற்கு தமிழக முதல்வர் மு.க.ஸ்டாலின் வாழ்த்து தெரிவித்துள்ளார். போட்டியின் இடையில் மழை குறுக்கிட்ட நிலையிலும், டக்வொர்த் லூயிஸ் முறைப்படி 15 ஓவர்களில் 171 ரன்கள் இலக்கை கடைசி பந்தில் எட்டி ஐந்து விக்கெட் வித்தியாசத்தில் சென்னை சூப்பர் கிங்ஸ் வெற்றி பெற்றது. இந்நிலையில் தமிழக முதல்வர் ஸ்டாலின் வெளியிட்டுள்ள ட்விட்டர் பதிவில், "ஒவ்வொரு சூழ்நிலைக்கும் ஏற்றவாறு ஒரு திட்டத்துடன் களமிறங்கும் எம்எஸ் தோனியின் கீழ் 5வது ஐபிஎல் டிராபியை வென்ற மஞ்சள் படையணிக்கு வாழ்த்துக்கள்! இது மிகச் சிறந்த போட்டி மற்றும் துன்பங்களை எதிர்கொண்ட ஜடேஜா ஒரு வரலாற்று வெற்றியை உறுதிப்படுத்தினார்." என தெரிவித்துள்ளார்.
