ஐபிஎல் 2023 : புள்ளிப்பட்டியல், அதிக ரன்கள் மற்றும் விக்கெட்டுகள் எடுத்த வீரர்களின் விபரம்
ஐபிஎல் 2023 சீசனில் இதுவரை 35 ஆட்டங்கள் முடிந்துள்ள நிலையில், அனைத்து அணிகளும் தலா 7 போட்டிகளில் விளையாடி முடித்துள்ளது. இன்னும் 7 போட்டிகள் ஒவ்வொரு அணிக்கும் மீதமுள்ளன. இதுவரை முடிந்துள்ள போட்டிகளின் அடிப்படையில், எம்எஸ் தோனி தலைமையிலான சென்னை சூப்பர் கிங்ஸ் அணி 5 வெற்றிகளை பெற்று 10 புள்ளிகளுடன் புள்ளிப்பட்டியலில் முதலிடத்தில் உள்ளது. நடப்பு சாம்பியனான குஜராத் டைட்டன்ஸ் அணியும் 10 புள்ளிகளை பெற்றிருந்தாலும், நிகர ரன் ரேட் அடிப்படையில் இரண்டாவது இடத்தில் உள்ளது. ராஜஸ்தான் ராயல்ஸ், லக்னோ சூப்பர் ஜெயன்ட்ஸ் தலா 8 புள்ளிகளுடன் முறையே மூன்று மற்றும் நான்காம் இடங்களில் உள்ளது.
ஆரஞ்சு மற்றும் பர்ப்பிள் தொப்பியை வைத்துள்ள வீரர்கள்
ராயல் சேலஞ்சர்ஸ் பெங்களூர் மற்றும் பஞ்சாப் கிங்ஸ் அணிகளும் தலா 8 புள்ளிகளை பெற்றிருந்தாலும், நிகர ரன் ரேட் அடிப்படையில் ஐந்து மற்றும் ஆறாவது இடத்தில் உள்ளன. மும்பை இந்தியன்ஸ் 6 புள்ளிகளுடன் ஏழாவது இடத்தில் உள்ள நிலையில், கொல்கத்தா நைட் ரைடர்ஸ், சன்ரைசர்ஸ் ஹைதராபாத் மற்றும் டெல்லி கேப்பிட்டல்ஸ் ஆகிய அணிகள் தலா 4 புள்ளிகளுடன் கடைசி மூன்று இடங்களைப் பிடித்துள்ளன. ராயல் சேலஞ்சர்ஸ் கேப்டன் ஃபாஃப் டு பிளெசிஸ் 405 ரன்களுடன் ஆரஞ்சு தொப்பியை தன்வசம் வைத்துள்ளார். அதே நேரத்தில் குஜராத் டைட்டன்ஸ் அணியின் சுழற்பந்து வீச்சாளர் ரஷித் கான் தபோடரில் 14 விக்கெட்டுகளுடன் பர்ப்பிள் தொப்பியை கைப்பற்றினார்.
