ஐபிஎல் 2026 இறுதிப்போட்டி மழையால் ரத்தானால் கோப்பை யாருக்கு? ஆர்சிபி - குஜராத் விதிமுறைகள் இதோ!
செய்தி முன்னோட்டம்
அகமதாபாத் நரேந்திர மோடி மைதானத்தில் ஞாயிற்றுக்கிழமை நடைபெறும் ஐபிஎல் 2026 இறுதிப்போட்டிக்கு பிசிசிஐ மாற்று நாளை (திங்கட்கிழமை, ஜூன் 1) ஒதுக்கியுள்ளது. ஞாயிற்றுக்கிழமை போட்டி தொடங்கி மழையால் நிறுத்தப்பட்டால், அது திங்கட்கிழமை எந்த ஸ்கோரில் நிறுத்தப்பட்டதோ அதே பந்திலிருந்து தொடர்ந்து நடத்தப்படும். வானிலை அறிக்கையின்படி அகமதாபாத்தில் மழைக்கான வாய்ப்பு 5% மட்டுமே என்பதால், போட்டி தடையின்றி நடப்பதற்கே அதிக வாய்ப்புகள் உள்ளன.
போட்டி ரத்தானால் வெற்றியாளர்
மாற்று நாளிலும் போட்டி முற்றிலும் ரத்து செய்யப்பட்டால் ஆர்சிபி சாம்பியனாக அறிவிக்கப்படும் விபரம்
ஒருவேளை மாற்று நாளான திங்கட்கிழமையிலும் பெருமழை காரணமாகப் போட்டி ஒரு பந்து கூட வீசப்படாமல் முற்றிலும் கைவிடப்பட்டால் ஆர்சிபி அணி சாம்பியனாக அறிவிக்கப்படும். ஐபிஎல் விதிமுறைகளின்படி இறுதிப்போட்டி முற்றிலும் ரத்தானால், லீக் சுற்றுகளின் புள்ளிப்பட்டியலில் முதலிடத்தில் இருக்கும் அணிக்குக் கோப்பை வழங்கப்படும். இந்த 2026 சீசனின் புள்ளிப்பட்டியலில் குஜராத் டைட்டன்ஸ் அணியை விட ஆர்சிபி அணி உயர் இடத்தில் முடித்திருப்பதால், இந்த சாதகமான விதிமுறை ஆர்சிபிக்குக் பொருந்தும்.
ரஜத் படிதார் சாதனை வாய்ப்பு
மீண்டும் சாம்பியன் பட்டத்தைத் தக்கவைக்கக் காத்திருக்கும் ஆர்சிபி கேப்டன் ரஜத் படிதாரின் மெகா சாதனை வாய்ப்பு
முதலாவது தகுதிச் சுற்றில் குஜராத் அணியை 92 ரன்கள் வித்தியாசத்தில் வீழ்த்தி ஆர்சிபி அணி நேரடியாக இறுதிப்போட்டிக்கு முன்னேறியிருந்தது குறிப்பிடத்தக்கது. கடந்த 2025 ஆம் ஆண்டு பஞ்சாப் கிங்ஸ் அணியை வீழ்த்தி ஆர்சிபி தனது முதல் ஐபிஎல் கோப்பையை வென்றிருந்த நிலையில், தற்பொழுது 2 வது கோப்பைக்காகக் களம் காண்கிறது. நாளை ஆர்சிபி சாம்பியன் பட்டம் வெல்லும் பட்சத்தில், எம்எஸ் தோனி மற்றும் ரோஹித் சர்மாவிற்குப் பிறகு அடுத்தடுத்து கோப்பையை வென்ற 3 வது கேப்டன் என்ற பெருமையை ரஜத் படிதார் பெறுவார்.