ஐபிஎல் 2023 : ஐடென் மார்க்ரம் தலைமையில் அதிரடி காட்டுமா சன்ரைசர்ஸ் ஹைதராபாத்?
புதிய கேப்டன் தலைமையில், சன்ரைசர்ஸ் ஹைதராபாத் (எஸ்ஆர்எச்) மார்ச் 31 ஆம் தேதி தொடங்கும் 2023 இந்தியன் பிரீமியர் லீக்கில் (ஐபிஎல்) இரண்டாவது பட்டத்தை வெல்லும் முனைப்புடன் களமிறங்க உள்ளது. தென்னாப்பிரிக்காவை சேர்ந்த ஐடன் மார்க்ராம் சன்ரைசர்ஸ் ஹைதராபாத் அணியை கேப்டனாக வழிநடத்த உள்ளார். இதற்கிடையில், ஏப்ரல் 2 ஆம் தேதி முந்தைய சீசனின் ரன்னர்ஸ்-அப் ஆன ராஜஸ்தான் ராயல்ஸுக்கு எதிராக தனது முதல் போட்டியில் விளையாட உள்ளது. எஸ்ஆர்எச் அணி 2008இல் ஐபிஎல் தொடங்கியதில் இருந்து முதல் 8 சீசன்களில் 6 முறை பிளேஆப் சுற்றுக்கு முன்னேறியது. மேலும் 2016இல் ஒரே ஒரு முறை மட்டும் சாம்பியன் பட்டம் வென்றது.
ஐபிஎல் 2023இல் சன்ரைசர்ஸ் ஹைதராபாத் அணி வீரர்களின் விபரம்
2022 சீசனில் படுதோல்வி அடைந்த நிலையில், அணியின் கேப்டனாக இருந்த கேன் வில்லியம்சன் தலைமை பொறுப்பிலிருந்து நீக்கப்பட்டதோடு, அணியிலிருந்து விடுவிக்கப்பட்டார். இதன் பிறகு தென்னாப்பிரிக்க டி20 லீக்கில் முதல் பட்டம் வென்ற ஐடன் மார்க்ரமை ஐபிஎல்லிலும் கேப்டனாக நியமித்துள்ளது. அணி: அப்துல் சமத், ஐடன் மார்க்ரம் (கேப்டன்), ராகுல் திரிபாதி, கிளென் பிலிப்ஸ், அபிஷேக் சர்மா, மார்கோ ஜான்சன், வாஷிங்டன் சுந்தர், ஃபசல்ஹக் ஃபரூக்கி, கார்த்திக் தியாகி, புவனேஷ்வர் குமார், டி நடராஜன், உம்ரான் மாலிக், ஹாரி புரூக், மயங்க் அகர்வால்லாஸ் அடில் ரஷித், மயங்க் மார்கண்டே, விவ்ராந்த் சர்மா, சமர்த் வியாஸ், சன்வீர் சிங், உபேந்திர யாதவ், மயங்க் தாகர், நிதிஷ் குமார் ரெட்டி, அன்மோல்பிரீத் சிங், அகேல் ஹொசைன்.
