மகளிர் ஹாக்கி உலகக்கோப்பை தகுதிச் சுற்றில் தாய்லாந்தை வீழ்த்தியது இந்தியா
ஞாயிற்றுக்கிழமை (ஆகஸ்ட் 27) ஓமனில் நடந்த மகளிர் ஹாக்கி போட்டியில் இந்திய அணி தாய்லாந்தை 5-4 என்ற கணக்கில் போராடி வீழ்த்தியது. ஓமன் நாட்டின் சலாலாவில் மகளிர் ஆசிய ஹாக்கி 5 உலகக் கோப்பை தகுதிச் சுற்று போட்டிகள் நடந்து வருகின்றன. இதில் பங்கேற்றுள்ள இந்திய ஹாக்கி அணி வெள்ளிக்கிழமை நடந்த முதல் போட்டியில் இந்தியா மலேசியாவை 7-2 என்ற கோல் கணக்கிலும், சனிக்கிழமை இரண்டாவது போட்டியில் ஜப்பானை 7-1 என்ற கணக்கிலும் எளிதாக வீழ்த்திய நிலையில், மூன்றாவது போட்டியில் தாய்லாந்தை போராடி வீழ்த்தியுள்ளது. இந்திய அணிக்காக மோனிகா டிபி டோப்போ 2 கோல்களும், கேப்டன் நவ்ஜோத் கவுர், மஹிமா சவுத்ரி, அஜ்மினா குஜூர் ஆகியோர் தலா ஒரு கோலையும் அடித்தனர்.
