அமெரிக்காவில் டி20 போட்டிகளில் பங்கேற்கும் இந்திய கிரிக்கெட் அணி
செய்தி முன்னோட்டம்
மேற்கிந்திய தீவுகள் அணிக்கு எதிரான இரண்டு டி20 போட்டிகளில் இந்திய அணி இந்த ஆண்டு இறுதியில் அமெரிக்காவில் விளையாட உள்ளது.
ஜூலை-ஆகஸ்ட் மாதங்களில் இரண்டு டெஸ்ட், மூன்று ஒருநாள் மற்றும் ஐந்து டி20 போட்டிகளுக்காக இந்தியா மேற்கிந்திய தீவுகளுக்கு சுற்றுப்பயணம் செய்ய உள்ளது.
இந்நிலையில், இரண்டு போட்டிகளை அமெரிக்காவின் புளோரிடா மாகாணத்தில் இந்திய அணி மேற்கிந்திய தீவுகளுடன் விளையாட உள்ளது.
கிரிக்பஸ்ஸில் வெளியான அறிக்கையின்படி, கடந்த மாதம் துபாயில் நடந்த ஐசிசி கூட்டத்தின் போது இந்திய கிரிக்கெட் கட்டுப்பாட்டு வாரியம் (பிசிசிஐ) மற்றும் கிரிக்கெட் வெஸ்ட் இண்டீஸ் (சிடபிள்யூஐ) இடையே இதற்கான ஒப்பந்தம் கையெழுத்தானதாக கூறப்படுகிறது.
இரண்டு கூடுதல் போட்டிகளில் விளையாட இரு கிரிக்கெட் வாரியங்களும் அப்போது ஒப்புக்கொண்டன.
இந்திய அணி
அமெரிக்காவில் இந்திய அணி கிரிக்கெட் விளையாடுவது ஏன்?
2024 டி20 உலகக்கோப்பை தொடரை மேற்கிந்திய தீவுகள் மற்றும் அமெரிக்கா இணைந்து நடத்த உள்ள நிலையில், அமெரிக்காவில் கிரிக்கெட்டை பிரபலப்படுத்தும் வகையில் இந்த போட்டிகள் நடத்தப்படுவதாகக் கூறப்படுகிறது.
இதற்கு முன்னர் 2022 இல் இந்திய அணி மேற்கிந்திய தீவுகள் சுற்றுப்பயணம் சென்றபோதும் கூட, அமெரிக்காவின் புளோரிடாவில் இரண்டு போட்டிகளில் விளையாடியது.
போட்டி புளோரிடாவில் நடத்த திட்டமிடப்பட்டிருந்தாலும், கடைசி நேரத்தில் விசா சிக்கலை எதிர்கொண்ட நிலையில், கயானா அதிபர் இந்த பிரச்சினையில் தலையிட்டு போட்டி நடப்பதை உறுதி செய்தார்.
அந்த இரண்டு போட்டிகளிலும் இந்திய அணி மேற்கிந்திய தீவுகள் அணியை மிகப்பெரிய வித்தியாசத்தில் வீழ்த்தி வெற்றி பெற்றிருந்தது குறிப்பிடத்தக்கது.