ஐசிசியின் இந்த புதிய விதியால் 2028 ஒலிம்பிக் கிரிக்கெட்டில் பாகிஸ்தானுக்கு இடமில்லை
செய்தி முன்னோட்டம்
சர்வதேச கிரிக்கெட்டில் இந்தியா vs பாகிஸ்தான் போட்டிகள் மிகப்பெரிய எதிர்பார்ப்பை ஏற்படுத்தும் நிலையில், 2028 லாஸ் ஏஞ்சல்ஸ் ஒலிம்பிக் போட்டிகளில் இந்த அணிகள் மோதுவதற்கான வாய்ப்பு குறைவு என்று தெரியவந்துள்ளது. துபாயில் நடந்த சமீபத்திய வாரியக் கூட்டத்தில், சர்வதேச கிரிக்கெட் கவுன்சில் (ஐசிசி), ஒலிம்பிக் போட்டியில் ஆடவர் மற்றும் மகளிர் பிரிவில் தலா ஆறு அணிகள் பங்கேற்கும் என்று உறுதிப்படுத்தியுள்ளது. முக்கியமாக, அணிகளை ஐசிசி டி20 சர்வதேசத் தரவரிசையின் அடிப்படையில் தேர்வு செய்வதற்குப் பதிலாக, ஒவ்வொரு பிராந்தியம்/கண்டத்தில் இருந்தும் சிறந்த ஒரு அணிக்கு மட்டுமே தகுதி வழங்கப்படும் என்று ஐசிசி அறிவித்துள்ளது. ஆறாவது அணி, உலகளாவிய தகுதிப் போட்டியின் மூலம் தேர்ந்தெடுக்கப்படும்.
ஆசியா
ஆசியா கண்டத்தில் முதலிடம்
இந்த புதிய முடிவின்படி, ஆசியாவில் இருந்து இந்தியா முதன்மை அணியாகத் தகுதி பெற வாய்ப்புள்ளது. இந்தப் புதிய பிராந்தியத் தகுதி விதியின் காரணமாக, ஆசியாவில் இருந்து இந்தியாவுக்கு மட்டுமே வாய்ப்புக் கிடைத்தால், பாகிஸ்தானால் ஒலிம்பிக்கிற்குத் தகுதி பெற முடியாது. ஆசியாவிலிருந்து இரண்டு அணிகள் பங்கேற்க அனுமதிக்கப்பட்டால் மட்டுமே பாகிஸ்தான் களமிறங்க முடியும்.
அணிகள்
போட்டியில் பங்கேற்க வாய்ப்புள்ள அணிகள்
தற்போதைய புரிதலின்படி, ஒலிம்பிக்கிற்குத் தகுதி பெற வாய்ப்புள்ள அணிகள் இந்தியா (ஆசியா), ஆஸ்திரேலியா (ஓசியானியா), இங்கிலாந்து (ஐரோப்பா), தென்னாப்பிரிக்கா (ஆப்பிரிக்கா) ஆகியவையாகும். மொத்தமாக 28 போட்டிகள் கொண்ட இந்த ஒலிம்பிக் கிரிக்கெட் போட்டித் தொடர் ஜூலை 12, 2028 அன்று தொடங்குகிறது. ஒலிம்பிக்கை நாடான அமெரிக்காவுக்கு இடம் கிடைக்குமா அல்லது வெஸ்ட் இண்டீஸுக்கு வாய்ப்பு வழங்கப்படுமா என்பது குறித்தும், உலகளாவிய தகுதிச் சுற்றுகள் குறித்தும் ஐசிசி விரைவில் விரிவான தகவல்களை வெளியிடும் என்று எதிர்பார்க்கப்படுகிறது.