ஐசிசி தரவரிசையில் இந்திய வீரர்கள் பாண்டியா, அர்ஷ்தீப் சிங் முன்னேற்றம்!
இந்திய டி20 அணியின் கேப்டன் ஹர்திக் பாண்டியா, நியூசிலாந்தை 2-1 என்ற கோல் கணக்கில் வீழ்த்தியதன் மூலம் தொடர் நாயகன் விருதை வென்றார். மேலும் பாண்டியா நான்கு விக்கெட்டுகளை வீழ்த்தி, தொடரை தீர்மானிக்கும் கடைசி போட்டியில் இந்திய அணியை வெற்றிபெறச் செய்தார். இதன் மூலம் ஐசிசி டி20 தரவரிசையில் (ஆல்ரவுண்டர்கள்) அவர் இரண்டாவது இடத்திற்கு முன்னேறியுள்ளார். இதற்கிடையில், பந்துவீச்சு தரவரிசையில் இந்திய வேகப்பந்து வீச்சாளர் அர்ஷ்தீப் சிங் 8 இடங்கள் முன்னேறி 13வது இடத்தை பிடித்துள்ளார். மேலும் சூர்யகுமார் யாதவ் ஐசிசி டி20 பேட்டிங் தரவரிசையில் தொடர்ந்து முதலிடத்தை தக்கவைத்துள்ளார்.
பேட்டிங் தரவரிசையில் 168 இடங்கள் முன்னேறிய கில்
மேலே குறிப்பிட்டுள்ள வீரர்களை தவிர, நியூசிலாந்து டி20 தொடரில் சதமடித்து புதிய சாதனை படைத்த ஷுப்மன் கில், ஐசிசி டி20 பேட்டிங் தரவரிசையில் 168 இடங்கள் முன்னேறி தற்போது 30வது இடத்தைப் பிடித்துள்ளார். ஒருநாள் போட்டிகளை பொறுத்தவரை இந்திய அணியின் கில் ஆறாவது இடத்திலும், கோலி ஏழாவது இடத்திலும் தொடர்ந்து நீடிக்கின்றனர். ரோஹித் சர்மா ஒன்பதாவது இடத்தில் உள்ளார். ஒருநாள் பந்துவீச்சு தரவரிசையில், சமீபத்தில் முதலிடத்தை பிடித்த முகமது சிராஜ் தொடர்ந்து தனது இடத்தை தக்கவைத்துள்ளார். டெஸ்ட் கிரிக்கெட்டை பொறுத்தவரை ஆல்ரவுண்டர் தரவரிசையில் ஜடேஜா முதலிடத்திலும், அஸ்வின் இரண்டாம் இடத்திலும் உள்ளனர். பந்துவீச்சில் பும்ரா மூன்றாவது இடத்தில் உள்ள நிலையில், பேட்டிங்கில் ரிஷப் பந்த் ஏழாவது இடத்தில் உள்ளார்.
இந்த காலவரிசையைப் பகிரவும்