சேப்பாக்கம் மைதானம் போறீங்களா? ஐபிஎல் ரசிகர்களுக்கு முக்கிய அறிவிப்பு
செய்தி முன்னோட்டம்
சென்னை சூப்பர் கிங்ஸ் vs மும்பை இந்தியன்ஸ் இடையேயான ஐபிஎல் 2025 போட்டிக்காக சேப்பாக்கம் மைதானத்திற்கு பயணிக்கும் கிரிக்கெட் ரசிகர்களுக்கு சிறப்பு போக்குவரத்து ஏற்பாடுகள் செய்யப்பட்டுள்ளன. போட்டிக்கான டிக்கெட் வைத்திருப்பவர்கள் மைதானத்தில் இலவச பேருந்து பயணங்கள் அறிமுகப்படுத்தப்பட்டுள்ளன. ரசிகர்கள் தங்கள் ஐபிஎல் போட்டி டிக்கெட்டுகளைக் காண்பிப்பதன் மூலம் நகர பேருந்துகளில் இலவச பயணத்தைப் பெறலாம். போட்டிக்கு மூன்று மணி நேரத்திற்கு முன்பும், அது முடிந்த மூன்று மணி நேரம் வரையிலும் இந்த சேவை கிடைக்கும். பயணிகள் பேருந்துகளில் இலவசமாக மைதானத்தை அடைய சிறப்பு ஏற்பாடுகள் செய்யப்பட்டுள்ளன.
போக்குவரத்து
கூடுதல் போக்குவரத்து வசதிகள்
அண்ணா சதுக்கம், சென்னை பல்கலைக்கழகம் மற்றும் ஓமந்தூரார் அரசு மருத்துவமனை உள்ளிட்ட முக்கிய இடங்களில் சிறப்பு ஏற்பாடுகள் செய்யப்பட்டுள்ளன. அங்கு கூடுதல் போக்குவரத்து சேவைகள் வழங்கப்படும். அண்ணா சாலையின் அண்ணா சிலையிலிருந்து மைதானத்திற்கு மினி பேருந்துகளும் இயக்கப்படும். இலவச பேருந்து சேவைகளுக்கு கூடுதலாக, தெற்கு ரயில்வே சென்னை கடற்கரை மற்றும் வேளச்சேரி இடையே சிறப்பு ரயில் சேவையை அறிமுகப்படுத்தியுள்ளது. இந்த ரயில் இரவு 10:55 மணிக்கு வேளச்சேரியில் இருந்து புறப்பட்டு இரவு 11:25 மணிக்கு சேப்பாக்கத்தை அடையும். மீண்டும் இரவு 11:30 மணிக்கு சேப்பாக்கத்திலிருந்து புறப்பட்டு இரவு 11:45 மணிக்கு சென்னை கடற்கரையை அடையும். சென்னை கடற்கரையிலிருந்து வேளச்சேரிக்கு மற்றொரு சிறப்பு ரயில் இரவு 11:00 மணிக்கு இயக்கப்படும்.