கால்பந்து வீரர் கைலியன் எம்பாபேவின் எக்ஸ் கணக்கு ஹேக் செய்யப்பட்டதால் அதிர்ச்சி
ரியல் மாட்ரிட்டின் நட்சத்திர முன்கள வீரர் கைலியன் எம்பாபேவின் எக்ஸ் கணக்கு வியாழக்கிழமை (ஆகஸ்ட் 29) ஹேக் செய்யப்பட்டது. ஹேக் செய்யப்பட்ட பின்னர் அவரது பக்கத்தில் இருந்து தொடர்ச்சியான ஆத்திரமூட்டும் ட்வீட்கள் வெளியிடப்பட்டன. இது கால்பந்து சமூகத்தில் பரவலான கவனத்தை ஈர்த்தது. இந்த பதிவுகள் கிறிஸ்டியானோ ரொனால்டோ மற்றும் லியோனல் மெஸ்ஸி இடையே நீண்ட கால போட்டியை தூண்டியது. இருப்பினும், ஹேக் செய்யப்பட்ட கணக்கு இந்தப் போட்டியுடன் நிற்கவில்லை. மான்செஸ்டர் யுனைடெட், மான்செஸ்டர் சிட்டி மற்றும் டோட்டன்ஹாம் ஹாட்ஸ்பர் உள்ளிட்ட முக்கிய பிரீமியர் லீக் அணிகள் குறித்து விமர்சனங்களையும் வைத்தது. இந்த பதிவுகள் எக்ஸ் தளத்தில் பேசுபொருளாக மாறிய நிலையில், அதிர்ஷ்டவசமாக விரைவிலேயே அவை நீக்கப்பட்டன.
