டெல்லி கேப்பிடல்ஸ் vs சன்ரைசர்ஸ் ஹைதராபாத் புள்ளிவிபரம்! வீரர்கள் எட்ட வாய்ப்புள்ள சாதனைகள்!
ஐபிஎல் 2023 சீசனின் 40வது போட்டியில் டெல்லி கேப்பிடல்ஸ் (டிசி) மற்றும் சன்ரைசர்ஸ் ஹைதராபாத் (எஸஆர் எச்) அணிகள் பலப்பரீட்சை நடத்துகின்றன. சனிக்கிழமை (ஏப்ரல் 29) இரவு 7:30 மணிக்கு அருண் ஜெட்லி மைதானத்தில் போட்டி நடைபெறவுள்ளது. புள்ளிப்பட்டியலில் இரு அணிகளும் 7 போட்டிகளில் விளையாடி கடைசி இரண்டு போட்டிகளில் வெற்றி பெற்று புள்ளிப்பட்டியலில் கடைசி இரண்டு இடங்களில் உள்ளன. டிசி மற்றும் எஸ்ஆர்எச் 22 முறை ஐபிஎல் போட்டிகளில் நேருக்கு நேர் மோதியுள்ள நிலையில் இரு அணிகளும் தலா 11 வெற்றிகளைப் பதிவு செய்துள்ளன. இந்த சீசனில் இரு அணிகளும் மோதிய முந்தைய போட்டியில் எஸ்ஆர்எச் ஏழு ரன்கள் வித்தியாசத்தில் டிசி அணியை தோற்கடித்தது.
போட்டியில் வீரர்கள் எட்ட வாய்ப்புள்ள சாதனைகள்
சன்ரைசர்ஸ் ஹைதராபாத் அணியின் ராகுல் திரிபாதி 42 ரன்கள் எடுத்தால் ஐபிஎல்லில் 2,000 ரன்கள் எனும் மைல்ஸ்டோனையும், 6 பவுண்டரிகள் அடித்தால் ஐபிஎல்லில் 200 பவுண்டரிகள் எனும் மைல்கல்லை எட்டுவார். எஸ்ஆர்எச் கேப்டன் ஐடென் மார்க்ரம் 21 ரன்கள் எடுத்தால் டி20 கிரிக்கெட்டில் 3,000 ரன்கள் என்ற மைல்கல்லை எட்ட உள்ளார். எஸ்ஆர்எச் வீரர் ஹீன்ரிச் கிளாசான் டி20 கிரிக்கெட்டில் 3,000 ரன்கள் எனும் மைல்கல்லை எட்ட இன்னும் 54 ரன்கள் தேவை. டிசி வீரர் முஸ்தபிசுர் ரஹ்மான் ஐபிஎல்லில் 50விக்கெட்டுகள் எனும் மைல்கல்லை எட்ட இன்னும் 3 விக்கெட்டுகள் தேவையாகும். இதேபோல் டிசி வீரர் அன்ரிச் நோர்ட்ஜ் இன்னும் ஒரு விக்கெட் எடுத்தால் ஐபிஎல்லில் 50 விக்கெட்டுகள் எனும் மைல்கல்லை எட்டுவார்.
