சேப்பாக்கத்தில் 'ROAR 26': தோனி, ஏஆர் ரஹ்மான் இணையும் சிஎஸ்கேவின் பிரம்மாண்ட ரசிகர் திருவிழா
செய்தி முன்னோட்டம்
ஐபிஎல் 2026 சீசன் தொடங்குவதற்கு முன்னதாக, சென்னை சூப்பர் கிங்ஸ் (சிஎஸ்கே) அணி தனது ரசிகர்களுக்காக 'ROAR 26' என்ற மெகா கொண்டாட்ட நிகழ்வை அறிவித்துள்ளது. மார்ச் 22 ஆம் தேதி சென்னை சேப்பாக்கம் மைதானத்தில் நடைபெறவுள்ள இந்த விழாவில் கிரிக்கெட் ஜாம்பவான்களுடன் இசைப்புயல் ஏஆர் ரஹ்மானின் நேரடி இசை நிகழ்ச்சியும் அரங்கேற உள்ளது. இந்த நிகழ்வின் முக்கிய அம்சமாக, சிஎஸ்கே அணியின் முன்னாள் வீரர்களுக்கும் தற்போதைய வீரர்களுக்கும் இடையே ஒரு கண்காட்சிப் போட்டி நடைபெற உள்ளது. முன்னாள் வீரர்கள் அணி: சுரேஷ் ரெய்னா, மேத்யூ ஹெய்டன், முரளி விஜய் மற்றும் சுப்பிரமணியம் பத்ரிநாத். தற்போதைய அணி: ருதுராஜ் கெய்க்வாட் தலைமையிலான தற்போதைய சிஎஸ்கே வீரர்கள் இவர்களுடன் மோதுவார்கள்.
இசை நிகழ்ச்சி
இசைப்புயல் ஏஆர் ரஹ்மானின் இசை நிகழ்ச்சி
கிரிக்கெட் வீரர்களின் சந்திப்பு மட்டுமின்றி, ஆஸ்கார் நாயகன் ஏஆர் ரஹ்மானின் இசை நிகழ்ச்சி சேப்பாக்கம் மைதானத்தை அதிர வைக்கப் போகிறது. இசை, ஒளிவெள்ளம் மற்றும் ரசிகர்களுடனான உரையாடல் என அந்த மாலைப் பொழுது முழுமையான என்டர்டைன்மென்ட் பேக்கேஜாக இருக்கும் என சிஎஸ்கே நிர்வாகம் தெரிவித்துள்ளது.
டிக்கெட்
டிக்கெட் வாங்குவது எப்படி?
'ROAR 26' நிகழ்விற்கான டிக்கெட் விற்பனை மார்ச் 15 ஆம் தேதி தொடங்குகிறது. சிஎஸ்கே அதிகாரப்பூர்வ ஆப் (CSK App), இணையதளம் (csk.in) மற்றும் District.in பிளாட்ஃபார்ம்களில் டிக்கெட்டுகளைப் பெற்றுக்கொள்ளலாம். இதற்கிடையே, ராஜஸ்தான் ராயல்ஸ் அணியிலிருந்து சஞ்சு சாம்சனை சிஎஸ்கே ஏலத்தில் எடுத்துள்ளதால், இந்த சீசனின் இறுதியில் தோனி தனது விக்கெட் கீப்பிங் பொறுப்புகளைச் சஞ்சுவிடம் ஒப்படைப்பார் என எதிர்பார்க்கப்படுகிறது. இது தோனியின் கடைசி சீசனாக இருக்கக்கூடும் என்பதால் ரசிகர்கள் மத்தியில் பெரும் எதிர்பார்ப்பு நிலவுகிறது.
ட்விட்டர் அஞ்சல்
Twitter Post
FOR THE FIRST TIME EVER!
— Chennai Super Kings (@ChennaiIPL) March 14, 2026
CSK stars, OG Super Kings and A.R. Rahman are coming together for one unforgettable night! 🥳
22 March | M.A. Chidambaram Stadium
Tickets Live from 11am, March 15 on CSK APP/website and the District App
For more details
Link : https://t.co/P1COtnON65… pic.twitter.com/53tparPiK5