எல்எஸ்ஜி அணிக்கு புதிய கேப்டன்? கே.எல்.ராகுலை ஐபிஎல் தொடரிலிருந்து விலக்கி வைக்க பிசிசிஐ திட்டம்!
செய்தி முன்னோட்டம்
திங்கட்கிழமை (மே 1) நடந்த ஐபிஎல் 2023 தொடரின் 43வது போட்டியில் லக்னோ சூப்பர் ஜெயன்ட்ஸ் (எல்எஸ்ஜி) கேப்டன் கேஎல் ராகுலுக்கு தொடை தசையில் காயம் ஏற்பட்டது.
முதல் இன்னிங்சில் பீல்டிங் செய்தபோது கீழே விழுந்து அடிபட்டதால், பாதியிலேயே மைதானத்தை விட்டு வெளியேறினார்.
இரண்டாவது இன்னிங்சில் அவருக்கு பதிலாக ஆயுஷ் படோனி தொடக்க ஆட்டக்காரராக களமிறங்கினார்.
ஆனால் 9 வது விக்கெட் வீழ்ச்சிக்குப் பிறகு கே.எல்.ராகுல் களமிறங்கி வலியுடனேயே பேட்டிங் செய்தார்.
இந்நிலையில், அவரது காயத்தின் அளவு குறித்து தெளிவாக தெரியாத நிலையில், பிசிசிஐ கே.எல்.ராகுலை தனது கட்டுப்பாட்டில் எடுக்க முடிவு செய்துள்ளது.
இதனால் இந்த தொடரில் கே.எல்.ராகுலுக்கு பதிலாக வேறு ஒருவரை முழுநேர கேப்டனாக நியமிக்க வேண்டிய கட்டாயத்தில் எல்எஸ்ஜி உள்ளது.
why bcci gives importance to kl rahul
கே.எல்.ராகுலுக்கு பிசிசிஐ முக்கியத்துவம் கொடுப்பது ஏன்?
தற்போதைய சூழ்நிலையில் கே.எல்.ராகுல் எல்எஸ்ஜி அணியில் தொடர்கிறார். அவரது காயத்தின் களவு குறித்து அறிய ஸ்கேன் செய்யப்பட்டு மருத்துவர்களின் ஆலோசனை பெறப்பட உள்ளது.
ஆனால் ஐபிஎல் முடிந்த உடன் உலக டெஸ்ட் சாம்பியன்ஷிப் இறுதிப்போட்டி நடைபெற உள்ளது.
இதில் கே.எல்.ராகுல் இந்திய அணியின் இரண்டாவது விக்கெட் கீப்பராக சேர்க்கப்பட்டுள்ளதால், அதற்கு முன்பாக அவர் காயத்திலிருந்து முழுமையாக குணமடைவது அவசியமாகிறது.
இதனால் கடைசி நேரத்தில் ரிஸ்க் எடுக்க விரும்பாத பிசிசிஐ அவரை, தேசிய கிரிக்கெட் அகாடமிக்கு மாற்றி, தனது கண்காணிப்பில் வைத்திருக்க முடிவு செய்துள்ளதாக தெரிகிறது.
இதற்கிடையே எல்எஸ்ஜி அணியின் துணை கேப்டனாக இருக்கும் க்ருனால் பாண்டியா, இந்த தொடரில் எஞ்சியுள்ள போட்டிகளுக்கு எல்எஸ்ஜி அணியின் கேப்டனாக விரைவில் அறிவிக்கப்படுவார் என்றும் எதிர்பார்க்கப்படுகிறது.