ஐசிசி டெஸ்ட் பந்துவீச்சு தரவரிசையில் அஸ்வின் முதலிடத்திற்கு முன்னேற்றம்
ஐசிசி தரவரிசையில் உலகின் நம்பர் ஒன் டெஸ்ட் பந்துவீச்சாளராக இருந்த ஜேம்ஸ் ஆண்டர்சனை பின்னுக்குத் தள்ளி இந்தியாவின் அஸ்வின் முதலிடம் பிடித்துள்ளார். டெல்லியில் ஆஸ்திரேலியாவுக்கு எதிரான இந்தியாவின் இரண்டாவது டெஸ்ட் வெற்றியின் போது அஸ்வின் ஆறு விக்கெட்டுகளை வீழ்த்தியிருந்தார். அதே நேரத்தில், வெலிங்டனில் நியூசிலாந்திடம் இங்கிலாந்து ஒரு ரன் வித்தியாசத்தில் தோற்றதால் ஆண்டர்சன் இரண்டாவது இடத்திற்கு சரிந்ததை அடுத்து அஸ்வின் முதலிடத்தை கைப்பற்றியுள்ளார். இதற்கிடையில், இந்திய வேகப்பந்து வீச்சாளர் பும்ரா, முதுகுப் பிரச்சினை காரணமாக 2022 ஆகஸ்ட் 2022 முதல் விளையாடாத நிலையிலும் நான்காவது இடத்திற்கு உயர்ந்துள்ளார். மேலும் ஆஸ்திரேலியாவுக்கு எதிரான இரண்டாவது டெஸ்ட் போட்டியில் இந்திய ஆல்ரவுண்டர் ஜடேஜா 10 விக்கெட்டுகளை வீழ்த்தியதன் மூலம் பந்துவீச்சாளர்கள் தரவரிசையில் 8வது இடத்திற்கு முன்னேறியுள்ளார்.
