ஆஸ்திரேலியாவுக்கு எதிரான 3வது டெஸ்டில் புதுமுக வீரர்களுடன் களமிறங்குகிறது பாகிஸ்தான்
பாகிஸ்தான் மற்றும் ஆஸ்திரேலியா இடையே நடந்து வரும் டெஸ்ட் கிரிக்கெட் தொடரின் மூன்றாவது மற்றும் கடைசி போட்டி புதன்கிழமை (ஜனவரி 3) சிட்னியில் தொடங்க உள்ளது. இதற்கான விளையாடும் லெவனை அறிவித்துள்ள ஆஸ்திரேலியா, முந்தைய போட்டியில் விளையாடிய அதே அணியுடன் களமிறங்குகிறது. பாகிஸ்தான் கிரிக்கெட் அணியை பொறுத்தவரை, வழக்கமாக டாஸ் போடும்போதுதான் அறிவிக்கப்பட்டு வந்த நிலையில், இந்த முறை போட்டிக்கு ஒருநாள் முன்னதாக விளையாடும் லெவனை அறிவித்துள்ளது. முந்தைய இரண்டு போட்டிகளில் தடுமாறி வந்த தொடக்க ஆட்டக்காரர் இமாம்-உல்-ஹக் நீக்கப்பட்டு சைம் அயூப் சேர்க்கப்பட்டுள்ளார். அதேபோல், ஷாஹீன் அப்ரிடியின் பணிச்சுமையை சமாளிக்க அவருக்கு ஓய்வு அளித்துள்ள பாகிஸ்தான், சஜித் கானை அணியில் இணைத்துள்ளது.
இரு அணிகளின் விளையாடும் லெவன் வீரர்களின் பட்டியல்
பாகிஸ்தான் கிரிக்கெட் அணி (விளையாடும் XI) : அப்துல்லா ஷபீக், சைம் அயூப், ஷான் மசூத் (கேப்டன்), பாபர் அசாம், சவுத் ஷகீல், முகமது ரிஸ்வான் (விக்கெட் கீப்பர்), ஆகா சல்மான், மிர் ஹம்சா, சஜித் கான், ஹசன் அலி, அமீர் ஜமால். ஆஸ்திரேலிய கிரிக்கெட் அணி (விளையாடும் XI) : டேவிட் வார்னர், உஸ்மான் கவாஜா, மார்னஸ் லாபுசாக்னே, ஸ்டீவன் ஸ்மித், டிராவிஸ் ஹெட், மிட்செல் மார்ஷ், அலெக்ஸ் கேரி (விக்கெட் கீப்பர்), மிட்செல் ஸ்டார்க், பாட் கம்மின்ஸ் (கேப்டன்), நாதன் லியான், ஜோஷ் ஹேசில்வுட்.
