விண்வெளி வீரங்கனை சுனிதா வில்லியம்ஸிற்கு உடற்பரிசோதனைகள் நடைபெற்றது
செய்தி முன்னோட்டம்
விண்வெளியில் பல மாதங்களாக சிக்கியுள்ள நாசா விண்வெளி வீராங்கனை சுனிதா வில்லியம்ஸ் சமீபத்தில் சர்வதேச விண்வெளி நிலையத்தில் (ISS) ஒரு நிலையான செவிப்புலன் சோதனையில் பங்கேற்றார்.
போயிங் ஸ்டார்லைனர் விண்கலத்தில் நிலவும் தொழில்நுட்ப சிக்கல்களால் அவர் பூமிக்கு திரும்புவது நிச்சயமற்றதாக உள்ள சூழலில் அவருக்கு இந்த பரிசோதனை மேற்கொள்ளப்பட்டுள்ளது.
கடந்த வாரம் அவர்கள் இருவருக்கும் கண் பரிசோதனை மேற்கொள்ளப்பட்டது குறிப்பிடத்தக்கது.
சுனிதா வில்லியம்ஸ், சக விண்வெளி வீரர் புட்ச் வில்மோருடன் இணைந்து, ஜூன் முதல் ISS இல் தங்கியுள்ளார்.
ஆரம்பத்தில் ஒரு சுருக்கமான சோதனைப் பணிக்காக சென்ற அவர்கள், இப்போது அவர்கள் திரும்பும் வாகனத்தின் சிக்கல்கள் காரணமாக காலவரையின்றி நீட்டிக்கப்பட்டுள்ளது.
உணவு சப்ளை
ISS இல் தங்கி இருக்கும் விண்கல வீரர்களின் உணவு மற்றும் பொருட்கள் சப்ளை
இதற்கு முன்னர் மேற்கொள்ளப்பட்ட பரிசோதனைகளில் சுனிதா வில்லியம்ஸிற்கு எலும்பு அடர்த்தி குறைபாடு ஏற்பட்டுள்ளது கண்டறியப்பட்டுள்ளது.
ISS -இல் நீண்டகாலமாக தங்கி இருக்கும் விண்வெளி வீரர்களுக்கான உணவு, மருந்து மற்றும் உபகரணங்களை வழங்கும் சரக்கு விண்கலம் ஒன்றை நாசா அவ்வப்போது அனுப்பி வருகிறது.
Cygnus cargo என பெயரிடப்பட்டுள்ள இந்த சிறிய அளவு சரக்கு விண்கலம் சென்ற வாரம், கிட்டத்தட்ட 8,200 பவுண்டுகள் (3,720 கிலோகிராம்கள்) உணவு, அறிவியல் உபகரணங்கள் மற்றும் பிற பொருட்களை ISS க்கு வழங்கியது.
இந்த வாரமும் இந்த விண்கலம் ISS நோக்கி செலுத்தப்படும் என கூறப்பட்டுள்ளது.
அதுவரை சுனிதா வில்லியம்ஸ் மற்றும் புட்ச் வில்மோர், பல்வேறு அறிவியல் மற்றும் பராமரிப்பு நடவடிக்கைகளில் தீவிரமாக ஈடுபடுவார்கள்.