இந்தியாவில் வெளியானது ரெட்மி 12 4G மற்றும் 5G ஸ்மார்ட்போன்கள்
செய்தி முன்னோட்டம்
புதிய ரெட்மி 12 மாடலை இந்தியாவில் வெளியிட்டிருக்கிறது சீன ஸ்மார்ட்போன் தயாரிப்பு நிறுவனமான ரெட்மி. இந்த ஸ்மார்ட்போனை 4G மற்றும் 5G ஆகிய இரண்டு கனெக்டிவிட்டி வேரியன்ட்களில் வெளியிட்டிருக்கிறது ரெட்மி.
இந்த புதிய ஸ்மார்ட்போன்களில் 90Hz ரெப்ரெஷ் பேட் மற்றும் 240Hz டச் சேம்ப்ளிங் கொண்ட 6.79 இன்ச் டிஸ்பிளேவைக் கொடுத்திருக்கிறது ரெட்மி.
இரண்டு ஸ்மார்ட்போன்களிலும் பின்பக்கம், 50MP ட்ரிபிள் கேமரா செட்டப்பும், முன்பக்கம் 8MP செல்ஃபி கேமராவும் கொடுத்திருக்கிறது ரெட்மி. மேலும், 18W ஃபாஸ்ட் சார்ஜிங் வசதியுடன் கூடிய 5000mAh பேட்டரிக்கள் கொடுக்கப்பட்டிருக்கின்றன.
இத்துடன் வைபை, ஜிபிஎஸ், ப்ளூடூத் 5.0, NFC மற்றும் யுஎஸ்பி டைப்-C ஆகிய கனெக்டிவிட்டி ஆப்ஷன்கள் வழங்கப்பட்டிருக்கின்றன. மேலும், IP53 ரேட்டிங்கும் பெற்றிருக்கிறது ரெட்மி 12.
ரெட்மி
ரெட்மி 12 4G & 5G: ப்ராசஸர் மற்றும் விலை
ரெட்மி 12-ன் 4G வசதி கொண்ட மாடலில் மீடியாடெக் ஹீலியோ G88 ப்ராசஸரும், 5G வசதி கொண்ட மாடலில் ஸ்னாப்டிராகன் 4 ஜென் 2 ப்ராசஸரையும் பயன்படுத்தியிருக்கிறது ரெட்மி. ஆண்ட்ராய்டு 13 இயங்குதளத்துடன் வெளியாகியிருக்கின்றன இந்த மாடல்கள்.
4G வசதி கொண்ட மாடலின் அடிப்படை 4GB+128GB வேரியன்டானது ரூ.9,999 விலையிலும், 6GB+128GB வேரியன்டானது ரூ.11,499 விலையிலும் வெளியாகியிருக்கிறது.
5G வசதி கொண்ட மாடலின் அடிப்படை 4GB+128GB வேரியன்டானது ரூ.11,999 விலையிலும், 6GB+128GB வேரியன்டானது ரூ.13,499 விலையிலும், 8GB+256GB வேரியன்டானது ரூ.15,499 விலையிலும் வெளியாகியிருக்கிறது.
வரும் ஆகஸ்ட் 4 நண்பகல் 12 மணி முதல் இந்த ஸ்மார்ட்போன் மாடல்களின் விற்பனை துவங்குவதாக அறிவித்திருக்கிறது ரெட்மி.