வாட்ஸ்அப் ஹேக் ஆகிடுச்சா? கவலைப்படாதீங்க; உங்கள் கணக்கை மீண்டும் மீட்டெடுக்க இதோ எளிய வழிமுறைகள்
செய்தி முன்னோட்டம்
வாட்ஸ்அப் கணக்கு ஹேக் செய்யப்படுவது தற்போது அதிகரித்து வருகிறது. உங்கள் அனுமதியின்றி மற்றவர்களுக்கு மெசேஜ் செல்வது அல்லது உங்கள் கணக்கு முடக்கப்பட்டால், நீங்கள் உடனடியாகச் செயல்பட வேண்டும். ஹேக் செய்யப்பட்ட கணக்கை மீட்டெடுக்கவும், எதிர்காலத்தில் பாதுகாப்பாக வைத்துக்கொள்ளவும் சில எளிய வழிமுறைகள் இங்கே கொடுக்கப்பட்டுள்ளன.
வழிமுறைகள்
கணக்கை மீட்டெடுப்பதற்கான வழிமுறைகள்
உங்கள் வாட்ஸ்அப் கணக்கை மீண்டும் பெற கீழ்க்கண்ட படிகளைப் பின்பற்றுங்கள்: மீண்டும் லாக்-இன் செய்யவும்: உங்கள் போனில் வாட்ஸ்அப் செயலியை மீண்டும் நிறுவி, உங்கள் மொபைல் எண்ணைக் கொடுத்து லாக்-இன் செய்யவும். எஸ்எம்எஸ் குறியீடு (ஓடிபி): உங்கள் எண்ணிற்கு வரும் 6 இலக்க எஸ்எம்எஸ் குறியீட்டைப் பதிவிடவும். நீங்கள் குறியீட்டை உள்ளிட்டவுடன், ஹேக்கர் பயன்படுத்தும் மற்ற சாதனங்களில் இருந்து உங்கள் கணக்கு தானாகவே வெளியேறிவிடும். டூ-ஸ்டெப் வெரிஃபிகேஷன் (Two-Step Verification): ஹேக்கர் ஏற்கனவே டூ-ஸ்டெப் வெரிஃபிகேஷன் பின் நம்பரை அமைத்திருந்தால், அதைத் தவிர்க்க நீங்கள் 7 நாட்கள் காத்திருக்க வேண்டும். ஒருவேளை நீங்கள் ஏற்கனவே மின்னஞ்சல் முகவரியைச் சேர்த்திருந்தால், Forgot PIN? ஆப்ஷனைப் பயன்படுத்தி உடனடியாக மாற்றலாம்.
மீட்டெடுப்பு
கணக்கை மீட்டெடுத்த பின் செய்ய வேண்டியவை
மேலே குறிப்பிட்ட எந்த முறையும் செயல்படவில்லை என்றால், support@whatsapp.com என்ற முகவரிக்கு மின்னஞ்சல் அனுப்பி உங்கள் கணக்கை தற்காலிகமாக முடக்கக் கோரலாம். கணக்கு கைக்கு வந்தவுடன் இந்த விஷயங்களை உறுதிப்படுத்துங்கள்: Linked Devices: வாட்ஸ்அப் செட்டிங்ஸில் சென்று Linked Devices பகுதியில் உங்களுக்குத் தெரியாத சாதனங்கள் ஏதேனும் இணைக்கப்பட்டிருந்தால் உடனடியாக Log out செய்யவும். நண்பர்களுக்குத் தகவல் சொல்லுங்கள்: உங்கள் கணக்கு ஹேக் செய்யப்பட்டிருந்த நேரத்தில் சென்ற மெசேஜ்களை யாரும் நம்ப வேண்டாம் என்று உங்கள் தொடர்புகளுக்கு தெரியப்படுத்துங்கள். மால்வேர் ஸ்கேன்: உங்கள் போனில் ஏதேனும் மால்வேர் அல்லது ஸ்பைவேர் ஆப்ஸ் இருக்கிறதா என்பதை ஸ்கேன் செய்து சரிபார்க்கவும்.
பாதுகாப்பு
எதிர்காலப் பாதுகாப்பு உதவிக்குறிப்புகள்
உங்கள் வாட்ஸ்அப் கணக்கை யாராலும் ஹேக் செய்ய முடியாதபடி மாற்ற இந்த 3 விஷயங்களைக் கட்டாயம் செய்யுங்கள்: OTP பகிர வேண்டாம்: உங்கள் வாட்ஸ்அப் பதிவு குறியீட்டை (Verification Code) யாரிடமும், எந்தச் சூழலிலும் பகிராதீர்கள். டூ-ஸ்டெப் வெரிஃபிகேஷனை ஆன் செய்யவும்: Settings > Account > Two-step verification என்பதற்குச் சென்று 6 இலக்க பின் நம்பரை இப்போதே செட் செய்யுங்கள். மின்னஞ்சல் முகவரி: டூ-ஸ்டெப் வெரிஃபிகேஷனுடன் உங்கள் மின்னஞ்சல் முகவரியையும் இணைத்துவிடுங்கள். இது பின் நம்பரை மறந்தால் மீட்டெடுக்க உதவும்.