இந்தியாவில் புதிய C51 ஸ்மார்ட்போனை வெளியிட்டுள்ளது ரியல்மி
இந்தியாவின் தொடக்கநிலை ஸ்மார்ட்போன் பிரிவில் புதிய 'C51' என்ற ஸ்மார்ட்போனை வெளியிட்டிருக்கிறது ரியல்மி. என்னென்ன அம்சங்களுடன் வெளியாகியிருக்கிறது இந்தப் புதிய 'ரியல்மி C51'? புதிய C51-ல் 90Hz ரெப்ரெஷ் ரேட் கொண்ட 6.74 இன்ச் LCD டிஸ்பிளேவைக் கொடுத்திருக்கிறது ரியல்மி. பின்பக்கம் 50MP AI கேமராவுடன் கூடிய டூயல் கேமரா செட்டப்பும், முன்பக்கம் 5MP செல்ஃபி கேமராவும் கொடுக்கப்பட்டிருக்கிறது. மின்ட் கிரீன் மற்றும் கார்பன் பிளாக் ஆகிய இரு நிறங்களில் வெளியாகியிருக்கும் இந்த ஸ்மார்ட்போனில், 33W ஃபாஸ்ட் சார்ஜிங் வசதியுடன் கூடிய 5000mAh பேட்டரியைக் கொடுத்திருக்கிறது ரியல்மி.
ரியல்மி C51: ப்ராசஸர் மற்றும் விலை
புதிய C51ல் T612 ப்ராசஸரைப் பயன்படுத்தியிருக்கிறது ரியல்மி. பக்கவாட்டு ஃபிங்கர் பிரிண்ட் சென்சார்கள் கொடுக்கப்பட்டிருக்கும் இந்தப் புதிய ஸ்மார்ட்போனில், மினி கேப்சூலைப் போலான வசதியையும் கொடுத்திருக்கிறது ரியல்மி. இந்தியாவில் 4GB ரேம் மற்றும் 64GB ஸ்டோஜ் கொண்ட C51ஐ, ரூ.8,999 விலையில் வெளியிட்டிருக்கிறது ரியல்மி. மேலும், இன்று மாலை 6 மணி முதல் ஃப்ளிப்கார்ட் தளத்தில் இந்த மொபைலைப் பெற்றுக் கொள்ளலாம். அறிமுகச் சலுகையால, ஐசிஐசிஐ மற்றும் எச்டிஎஃப்சி கிரெடிட் மற்றும் டெபிட் கார்டுகளைப் பயன்படுத்தி பரிவர்த்தனை மேற்கொள்பவர்களுக்கு ரூ.500 உடனடி தள்ளுபடியாக வழங்கப்படும் எனவும் அறிவிக்கப்பட்டுள்ளது.
இந்த காலவரிசையைப் பகிரவும்