இந்தியாவில் புதிய A58 ஸ்மார்ட்போனை வெளியிட்டிருக்கிறது ஓப்போ
செய்தி முன்னோட்டம்
கடந்தாண்டு சீனாவில் வெளியிட்ட A58 ஸ்மார்ட்போனை தற்போது இந்தியாவில் வெளியிட்டிருக்கிறது, சீனாவைச் சேர்ந்த ஓப்போ நிறுவனம். என்னென்ன வசதிகளுடன் வெளியாகியிருக்கிறது புதிய ஓப்போ A58 ஸ்மார்ட்போன்?
680 நிட்ஸ் அதிகபட்ச வெளிச்சம் கொண்ட 6.72 இன்ச் LCD டிஸ்பிளேவை புதிய A58 ஸ்மார்ட்போனில் பயன்படுத்தியிருக்கிறது ஓப்போ. பின்பக்கம் 50MP+2MP டூயல் கேமரா செட்டப்பும், முன்பக்கம் 8MP செல்ஃபி கேமராவும் கொடுக்கப்பட்டிருக்கிறது.
4G வசதி கொண்ட A58 மாடல் மட்டுமே தற்போது வெளியாகியிருப்பதாகத் தெரிகிறது. 5G வசதி கொண்ட A58x மாடலை இந்தியாவில் அந்நிறுவனம் வெளியிட்டிருப்பது தொடர்பான தகவல்கள் எதுவும் இதுவரை வெளியாகவில்லை.
ஓப்போ
ஓப்போ A58: ப்ராசஸர் மற்றும் விலை
புதிய A58-ல் மீடியாடெக் ஹீலியோ G85 ப்ராசஸரைப் பயன்படுத்தியிருக்கிறது ஓப்போ. இத்துடன் 33W ஃபாஸ்ட் சார்ஜிங் வசதி கொண்ட 5,000mAh பேட்டரியும் கொடுக்கப்பட்டிருக்கிறது.
பக்கவாட்டு ஃபிங்கர்பிரிண்ட் சென்சாரகள், 3.5மிமீ ஜாக், ஸ்டீரியோ ஸ்பீக்கர்கள், டைப் சி மற்றும் ப்ளூடூத் 5.3 ஆகிய வசதிகள் புதிய A58-ல் வழங்கப்பட்டிருக்கின்றன.
இந்தியாவில் இதன் 6GB ரேம் மற்றும் 128GB ஸ்டோரேஜ் கொண்ட வேரியன்டை ரூ.14,999 விலையில் வெளியிட்டிருக்கிறது ஓப்போ. குறிப்பிட்ட வங்கியின் அட்டைகளைப் பயன்படுத்தி பரிவர்த்தனை மேற்கொண்டால், ரூ.1,500 வரை சலுகை வழங்கப்படுகிறது.
தற்போது ஃப்ளிப்கார்ட் தளத்தின் மூலம், இந்தப் புதிய ஸ்மார்ட்போனானது விற்பனை செய்யப்பட்டு வருகிறது.